KOLOSSA 3:10 - Pathien Lekhabu Inthieng (BSI)

¹⁰ Mihriem thar chun in inthuom ta si a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

KOLOSSA 3:10 ပူးပေါင်းရင်းမြစ်များ

INṬANNA 5:1

Hi hi Adam thlahai chuongna lekhabu chu a nih. Pathienin mihriem a siem khan Ama angpuiin anni chu a siem a;

JOB LEKHABU (THE BOOK OF JOB) 29:14

Felna chu ka sil a, chu chun a mi thuom a, Ka felna chu lalpuon le lukâwm ang a nih.

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

ISAI 52:1

Aw Zion, har la, har la, i hrâtna inbel rawh; aw Jerusalem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si naw a.

ISAI 59:17

Chun, felna chu âwmphawah a hâk a, sandamna lukhum a khum a, chun, inthuomnaa chun phubalâkna silfênhai chu ân bel a, zakawfuola chun ṭhahnemngaina a hâk a.

EZEKIEL 11:19

Anni chu lungril hmunkhat pêng ka ta; nangmaa chun lungril thar sie bawk ka tih; chun, an tisaa lungril lung anga ngar chu lâng ka ta, an kuoma chun tisa lungril innêm pêng ka tih.

EZEKIEL 18:31

In bawsietnahai po po, in lo bawsiet tahai chu, nangnia inthawkin peihâwn unla, thlarau thar le lungril thar insiempêk unla, aw Israel sûngkuo, iengdingin am thîng in ta?

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in taksaa inthawkin lungril lung ang chu la hmang ka ta, lungril taksa anga innêm pe lem ka ti cheu.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:12

Zân hi a bo vâng vâng ta a, khuo a var ding a ni tah, chuleiin inthimna thilthawhai chu pei inla, var thuomin inthuom ei tiu khai.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:4

Chuleiin, a thinaa baptisma ei changin, a kuomah phûmin ei um ve a; Pa ropuinain mithi laia inthawka Krista a keitho ang khan, eini khawm hringna thara ei um theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

2 KORINTH 3:18

Chuongchun, keini chu kan rêngin hmai inkhum lovin, hlimen anga Lalpa ropuina sunvarin, ropuinaa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawka kan hmu ang peiin.

2 KORINTH 4:16

Chuleichun, kan dawl naw a, kan puotieng mihriem hi hung awngrawp tieu tieu sien khawm kan sûng tieng mihriem chu ni tin siem thar peiin a um lem a nih.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

GALATI 3:27

Nangni laia Kristaa baptisma chang phawthai kha Krista chun in inthuom ta si a.

GALATI 6:15

Siem thar nâwkna naw chu sertan hi iengkhawm a ni naw a, sertannaw khawm iengkhawm a ni chuong bawk nawh.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

EPHESI 2:15

ama chun intaina, (ser le sâng thilhaia thupêk Dân um chu), a taksaa sukboin, amaa chun pahnihai chu mihriem thar pumkhata siem a, inremna a siem theina ding le,

KOLOSSA 3:12

Chuongchun, Pathien mi thlang, mi inthieng le dittakhai angin inlainatna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

PHILEMON 1:6

i ringna mîn ṭâwmpuina chu nangnia um thil ṭha tinrêng hriet famkimna kawnga chun, Krista tienga a ṭhathnem theina dingin;

HEBRAIHAI 6:6

tlûksanhai kawng thu chu chuong mihai chu an simna dingin siem thar nâwk ruol an ni nawh, Pathien Naupa chu anni ta dinga hemde nâwka sukmuolpho an ni leiin.

1 JOHAN 2:3

Chun, a thupêkhai pawm ei ni chun, chutaka chun ama chu ei hriet ti ei inhriet.

1 JOHAN 2:5

Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

THUPUONGSUO 21:5

Chun, lalṭhungphaa ṭhung chun, “Ngai ta, thil iengkim ka siem thar ie,” a ta. Chun, “Ziek rawh, hieng thu hi ring a umin ân dik si a,” a ti bawk a.