KOLOSSA 2:13 - Pathien Lekhabu Inthieng (BSI)

¹³ Chun, nangni bawsietnahai le tisaa sertan nâwna leiin thi in lo ni a, nangni ngei chu ama leh a sukhring cheu in ni kha. Ei bawsietnahai po po a mi ngaidam a.

KOLOSSA 2:13 ပူးပေါင်းရင်းမြစ်များ

INPÂKNA HLABU 119:50

Chu chu ka rinumnaa khawm ka thlamuongna a nih, I thu chun a mi sukhar ta si a.

INPÂKNA HLABU 32:1

A bawsietna ngaidama uma, a suolna inkhuma um chu, a hamṭha,

INPÂKNA HLABU 71:20

Nang, lungzîngna tamtak le nasatak mîn hmutirtu chun, Mi sukhring nâwk i ta, hnuoi inthûktaka inthawkin mi ṭhuoisuok nâwk i tih.

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

LUKA 15:24

hi ka naupa hi a thi a, a hung hring nâwk tah a ni hi; ân hmang a, ei hmu nâwk tah a ni hi,’ a ta. Chuongchun, hlimtakin an um ṭan ta a.

LUKA 15:32

Hlimtak le lâwmtaka um ding a ni hrim annâwm; hi i sang hi a thi a, a hung hring nâwk ta a; ân hmang a, ei hmu nâwk tah a ni si a,’ a ti a,” a ta.

LUKA 9:60

Isu ruok chun a kuomah, “Mithiin anni mithi chu vui raw se; nang chun Pathien ram thu va hril dar lem rawh,” a ta.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:17

mithihai sukhringtu le, thil umnawhai a taka inumtirtu, a iring Pathien mithmua chun; “Chi tamtakhai pain siem ka ti che” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:11

Nisienlakhawm, mithi laia inthawka Isu keitho nâwktu Thlarau kha nangniah a um chun, mithi laia inthawka Krista Isu keitho nâwktu khan nangnia um Thlarau zâra chun, in taksa thi theihai chu sukhring bawk a tih.

1 KORINTH 15:36

Nang mi invêt, nang ngeiin i tu hlak khawm hi, a thi zet naw chun sukhringin a um ngai lem,

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

2 KORINTH 5:19

khânga, Pathienin Kristaa chun khawvêl hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

EPHESI 2:11

Chuleiin, hi hi hre zing ro: Inhmaa nangni pieng dâna Jentail, taksa kuta hmanga “Sertan” an tihaiin, “Sertannaw,” an tihai,

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

KOLOSSA 2:12

Baptismaa chun a kuoma phûm in lo ni ve ta si a, chu bawka chun mithi laia ama keithotu Pathien sinthaw awi leia a kuoma keitho in ni ve kha.

1 TIMOTHE 5:6

Nisienlakhawm, hmeithai mâni inhawitirna ngawta inpe chu, a dam lai khawm a thi a nih.

1 TIMOTHE 6:13

Pathien thil tinrêng sukhringtu le, Krista Isu, Pontia Pilat hmaa ṭanna ṭha ṭantu mithmua chun, thu ka pêk che;

HEBRAIHAI 6:1

Chuongchun, Krista thu bul hril ta lovin puitling tieng pan ei tiu; lungphûm chu phûm nâwk ta lovin simna dâm, Pathien tienga ringna dâm,

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JAKOB 2:17

Chuong ang bawkin ringna chu, thilthaw nei lova ama chaua a um chun thi a nih.

JAKOB 2:20

Aw, mi teplopa, thilthaw ṭhang lova ringna ngawt chu iengkhawm a ni nawh ti i hriet nuom am?

JAKOB 2:26

Thlarau ṭhang naw chun taksa chu thi a nih, chuong ang bawkin thilthaw ṭhang naw chun ringna khawm chu a thi a nih.

1 JOHAN 2:12

Nauhai, ama hming leiin in suolhai ngaidam a ni tâk leiin in kuomah ka ziek a ni hi.