KOLOSSA 2:10 - Pathien Lekhabu Inthieng (BSI)

¹⁰ Amaa chun in famkim ta bawk a, ama chu inlalna le thuneina po po lu a nih.

KOLOSSA 2:10 ပူးပေါင်းရင်းမြစ်များ

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

JOHAN 1:16

A famkimna ei chang seng, lunginsietna chunga lunginsiet nâwksâwnna leh.

1 KORINTH 15:24

Chu hnunga chun a tâwp chu la hung tlung a tih, chu pha chun rorêlnahai po po le thuneina thilthawtheina po pohai a sukbo hnungin, Pathien kuomah, Pa kuoma ngei chun ram chu pêng a tih;

EPHESI 3:10

Chuongchun, tulaia vân hmunhaia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

EPHESI 3:19

Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

KOLOSSA 2:15

Chun, inlalna le thuneinahai chu hlîp thlain, chu krawsa chun chuonghai chu hnein, ân langa inhriettirnain a hmang ta a.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni ta a,

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.