KOLOSSA 1:15 - Pathien Lekhabu Inthieng (BSI)

¹⁵ Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

KOLOSSA 1:15 ပူးပေါင်းရင်းမြစ်များ

INPÂKNA HLABU 89:27

Chun, keiin ama chu nau lutîrah siem ka ta, Hnuoia lalhai lai chun a chunghnungtakah siem ka tih.

FESUOKNA 24:10

chun, Israel Pathien chu an hmu a, a kehai hnuoia chun sapphir lung rem ang tletak, a tlêtzie chu vân thil ni âwm tak hrim hi a um a.

NAMBAR 12:8

ama le chun chu thurûk um lovin bauin tlangtakin inbieng kan ta; Lalpa hmêl khawm hmûng a tih. Chuleiin, ka siehlaw Mosie hi iengtiziea hrilse ngam am in ni leh?” a lo ti a.

JOHAN 1:1

A tîrin Thu a um, Thu chu Pathien kuomah a um, Thu chu Pathien a nih.

JOHAN 1:14

Chun, Thu chu taksain a hung inchang a, eini lai a hung um ta a, (Pa nau khât nei ropui angin a ropuizie ei hmu), lunginsietna le thutakin a sip.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 15:24

Mi dang tukhawm la thaw ngailo thilhai anni lai thaw ni naw lang chu, suol an nei naw ding bah. Nisienlakhawm, tuhin chu an hmu ta a, chuongsa khawm chun kei le ka Pa an mi theida ve ve tah a nih.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang naw a, chatuona hringna an nei lemna dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

PHILIPPI 2:6

Ama chu Pathien nina neia um zing ni sien khawm, Pathien tluka um zing chu, tum lui tlat dingah a ngai naw a,

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 1:6

Chun, Nau lutir chu khawvêla hin a ṭhuoi lût nâwkin, “Pathien vântirkohai po po khawmin, Ama chibai bûk raw hai se,” a ti a.

HEBRAIHAI 11:27

Ringnain lal lunginsenna chu ṭi lovin Aigupta ram a mâksan a, hmu thei naw Pathien chu a hmu leiin a tuor fan fan a nih.

THUPUONGSUO 3:14

“Chun, Laodikeia tirko kuoma chun hieng hin ziek rawh: “Amen, thuhretu ringum le indiktak, Pathien thilsiem bul khan, hieng thu hi a hril a nih;