KOLOSSA 1:14 - Pathien Lekhabu Inthieng (BSI)

¹⁴ amaa chun ei intlanna ei hmu a nih-ei suolhai ngaidamna chu

KOLOSSA 1:14 ပူးပေါင်းရင်းမြစ်များ

INPÂKNA HLABU 130:4

Nisienlakhawm, i kuomah ngaidamna a um a nih, Ṭiha i um theina dingin.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

LUKA 5:20

Chun, an ringzie chu a lo hmuin, a kuomah, “Mihriem, i suolhai ngaidam a ni tah ie,” a ta.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 4:32

Chun, inlunginsiet tuoa, lainatna neiin um unla, Pathienin Kristaa a ngaidam ang bawk cheuin inngaidam tuo ro.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

KOLOSSA 2:13

Chun, nangni bawsietnahai le tisaa sertan nâwna leiin thi in lo ni a, nangni ngei chu ama leh a sukhring cheu in ni kha. Ei bawsietnahai po po a mi ngaidam a.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

1 TIMOTHE 2:6

mi po po intlanna dinga inpe chu a nih; chu chu a hun tak peia inhriettirin a um ding a nih;

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 9:12

ei ta dingin chatuona intlanna hmu tain, kêlte le bâwngte thisen lei ni lovin, ama thisen lem leiin, Hmun Inthienga chun vawikhatah a lût thleng ta nghâl a.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngaidamna hrim a um nawh.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

1 JOHAN 2:12

Nauhai, ama hming leiin in suolhai ngaidam a ni tâk leiin in kuomah ka ziek a ni hi.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,