KOLOSSA 1:10 - Pathien Lekhabu Inthieng (BSI)

¹⁰ Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

KOLOSSA 1:10 ပူးပေါင်းရင်းမြစ်များ

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni si a,” tiin.

MIKA 4:5

Chi tin mâni pathien hming sengin um an ta, eini khawm Lalpa ei Pathien hmingin kumkhuoin um ei tih.

HABAKKUK 2:14

tuipui chu tuihaiin ân khum angin, Lalpa ropuina hrietna chun hnuoi hi a suksip ding a ni si a.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 15:8

Hi hi leiin ka Pa chu chawimawiin a um hlak, tamtaka in ra hin; chuongchun, ka închûktirhai nîng in tih.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:13

Unauhai, Jentail danghai laia kân rimna ra ka hmu ta ang bawkin, nangni lai khawm a ra ka hmu theina dingin, in kuoma hung vawi tamtak ka tum tah ti in hriet naw ka nuom nawh; nisienlakhawm, kha hma po khan chu dangin ka um rawp a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:12

sertanhai pa khawm a ni thei bawkna dingin sertanhai pa chau a ni naw a, ama, ei pa Abraham sertan lova a um laia, ringna a nei anga nei fâwmhai pa a ni lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:4

Chuleiin, a thinaa baptisma ei changin, a kuomah phûmin ei um ve a; Pa ropuinain mithi laia inthawka Krista a keitho ang khan, eini khawm hringna thara ei um theina dingin.

2 KORINTH 2:14

Nisienlakhawm, Kristaa hnênaa mi ṭhuoi rawptu le keini hmanga hmun tina ama hrietna rim inhriettirtu Pathien kuoma chun lâwmthu um raw se.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 KORINTH 5:9

Chuleiin, um inla um naw inla khawm, ama lâwm zâwng ni ei tum tlat hlak a nih.

2 KORINTH 9:8

Chun, Pathienin lunginsietna tinrêng in chungah a vur thei a nih; chuongchun, nangnîn iengkimah a hun zet nei rawpin, sin thaw ṭha tinrênga dingin hau thei in tih;

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

EPHESI 4:13

ringna le Pathien Naupa hrietna kawnga chun thukhat vuoa puitlinga, Krista famkimna lienzie tluka ei rênga ei hung um theina dingin.

EPHESI 5:10

Lalpa lâwmzâwng ieng am a na ti infie pei bawk unla.

EPHESI 5:15

Chuongchun, mi varnawhai anga um lovin, mi varhai anga um lemin, in um dânah fîmkhur ro.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

KOLOSSA 2:19

Lu chu an chel tlat si naw a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni si a.

KOLOSSA 2:6

Chuleiin, Krista Isu, Lalpa chu in pawm ang khan amaa chun um ro.

KOLOSSA 3:20

Naupanghai, iengkimah in nu le pahai thu zâwm ro; chu chu Lalpaa chun lâwm a um si a.

KOLOSSA 4:5

Remchângna inchaw peiin puotienga mihai lai chun vartakin um ro.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

2 TIMOTHE 2:4

Sipaia um dinga thlangtu chu a suklâwm theina dingin, sipai tûkhawm indo laiin hi dam sûng khawsakna hin ân sukhnawk ngai naw a.

TITA 3:1

Lalhai le thuneituhai kuoma intuklût ding dâm, thu awi ding dâm, thil ṭha tinrêng thawa inzo ding dâm,

TITA 3:14

Ei mipuihai chu an ni tin mamawhai hmu theina dingin thilṭha thaw pei dingin inchûktir la, râ insuo thei lova an um nawna dingin.

HEBRAIHAI 11:5

Ringnain Enok kha thina hre lo dinga lâk hmangin a lo um a. Chun, Pathienin a lâk hmang ta leiin hmu thei a ni ta naw a. Lâk hmanga a um hmain Pathien lâwm zâwng mi a ni ti inhriettir a ni ta hrim a.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

2 PETER 1:8

Chuong chu in ta a na, a pung pei si chun, ei Lalpa Isu Krista hrietna kawnga hin zawmthaw lo le ra nuom takin a siem cheu a nih.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

3 JOHAN 1:6

chuongchun, anni chun kohranhai hmaah i hmangaina an inhriettir ta a; an inzinnaah Pathien mi thaw âwm hrima i ṭhangpui chun ṭhâng a tih;