JUDA 1:3 - Pathien Lekhabu Inthieng (BSI)

³ Dittakhai, ei ichang tlâng sandamna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.

JUDA 1:3 ပူးပေါင်းရင်းမြစ်များ

NEHEMIA 13:25

Chun, anni chu ka khak tâwl a, ṭawngsie kân phur a, ṭhenkhat lem chu ka vuok a, an sam dâm ka kei phawipêk a, an naunuhmeihai chu chuong naupasalhai chu inneitir lo ding le, chuonghai naunuhmeihai chu an naupasalhai ta dingin amanih, anni ta ding khawma nei lo dingin Pathien sâlin ṭawng kân khâmtir a.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

JEREMIA 9:3

Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

THILTHAWHAI 17:3

Krista chu rinum tuor ding a ni hrimzie dâm, mithi laia inthawka thonâwk ding a ni hrimzie dâm a hrilfie a; a suklang hlak a, “Hi Isu a thu ka hril cheu hi, ama chu Krista a nih,” a ti bawk hlak a.

THILTHAWHAI 18:28

Vantlâng hrietin Judahai chu nasatakin a sêldawng a, Pathien Lekha Thu hmangin Isu kha Krista chu a nih ti ân hriettir hlak a.

THILTHAWHAI 20:27

Pathien thiltum po po arêngin in kuoma hril kân tîm naw a.

THILTHAWHAI 28:28

“Chuongchun, Pathien sandamna thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

THILTHAWHAI 6:7

Chun, Pathien thu chu a hung indar a; Jerusalema inchûktirhai an pung ta bêk bêk a; thiempu laia khawm mi tamtak chu ringna awi mi an ni ta a.

THILTHAWHAI 9:13

Chun, Anania chun, “Lalpa, chu mipa chu Jerusalema i mi inthienghai chunga a suksuol tamzie thu mi tamtak baua inthawkin ka hriet a nih.

THILTHAWHAI 9:22

Saula ruok chu a hung hrât nâwk zuol a, ama chu Krista a ni takzet ti a hrilfie a, Damaskaa Juda umhai chu a sêldawng rawp hlak a.

1 KORINTH 15:3

A hmasatakin, ka ihmu ve bawk chu ka hril sâwng cheu kha; khânga Krista chu Pathien Lekha thu hril ang peia ei suolhai leia a thi a,

GALATI 2:5

Nisienlakhawm, Chanchin Ṭha thutak chu in kuoma a um zing theina dingin, dârkâr khat khawm intuklûtin an thu ka zâwm naw a.

GALATI 3:28

Chutaka chun Juda mi an um thei naw a, Grik mi khawm an um thei bawk nawh; suok an um thei naw a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni si a.

GALATI 6:11

Keima kut ngeiin in kuomah lekha inhrawl pherphura ka ziek hi en ta u.

EPHESI 1:1

Paula, Pathien ditzâwnga Krista Isu tirko chun: Mi inthieng Ephesia um, Krista Isua mi ringumhai kuoma chun:

DÂN PAHNINA 21:9

Chuong ang chun Lalpa mithmua thil ṭha thawin pawitâwklo thisen suokna chu in sukkieng ding a nih.

DÂN PAHNINA 9:10

Lalpa chun lungphêk pahni, Pathien kutpâra ziek chu a mi pêk a; chutaka chun in pungkhâwm nia tlâng chunga meia inthawka Lalpain in kuoma thu a hrilhai po po kha a chuong vawng a.

PHILIPPI 1:1

Paula le Timothe, Krista Isu suokhai chun: Krista Isua mi inthieng Philippia um po pohai kuomah, kohran hotuhai le rawngbâwltuhai kuoma leh:

PHILIPPI 1:27

Iengkhawm ni sienla, in um dân chu Krista Chanchin Ṭha leh inmawi phawt raw se. Chuongchun, nangni hung kan inla cheu khawm, in kuomah um naw lang khawm, thlarau hmunkhata ngîr tlatin, lungril hmunkhata Chanchin Ṭha ringna thu ṭana thâtak sangin in um ti in chanchin lo hre thei ka tih.

KOLOSSA 1:2

Kolossaa Kristaa mi inthienghai le unau ringumhai kuoma chun, Pathien ei Pa kuoma inthawka lunginsietna le inremna in kuomah um raw se.

1 THESSALONIKA 2:2

thlâwn nêk hmanin, in hriet ta angin, kha hma khan Philippia chun rinum tuor le inzaktaka siemin lo um ta inlang khawm, Pathien Chanchin Ṭha chu, kan Pathiena huoina neiin, dodâlna nasatak kârah, in kuomah kan puong ta lem kha.

1 TIMOTHE 1:18

Ka nau Timothe, inhmaa i chanchin an hril lâwk thuhai ang khan chu kâwkna thu chu kân kawltir che; chuong le chun, indona ṭha chu i do theina dingin;

1 TIMOTHE 6:12

Ringna inruolsiekna ṭha chu thaw la, chatuon hringna chu chel rawh; chu chu chang dinga ko i na, hretu tamtakhai mithmuah ṭanna ṭha chu i ṭan ta kha.

2 TIMOTHE 1:13

Krista Isua um, ringna le hmangaina neiin thu indik dân ka bâua i hriethai kha nei tlat rawh.

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

HEBRAIHAI 13:22

Nisienlakhawm, unauhai, ka ngên cheu, infuina thu hi ngai thei hrâm ro; in kuomah thu tlâwmtê ka ziek si a.

HEBRAIHAI 6:9

Nisienlakhawm, dittakhai, chuong ang chun hril inlang khawm, nangni chun, thil ṭha lem sandamnaa ṭhang thilhai chu in thaw kan ring tlat cheu a nih.

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

2 PETER 2:21

Lampui fel chu hriet hnunga, thupêk inthieng an kuoma inkawltira um chu nghatsan nêk chun, lampui fel hre naw hai sienla, an ta dingin a ṭha lem ding bah.

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

JUDA 1:17

Nisienlakhawm, dittakhai, nangni chun, ei Lalpa Isu Krista tirkohaiin thu an hril lâwkhai kha hre zing ro.

JUDA 1:20

Nisienlakhawm, dittakhai, nangni chun in awi san inthieng tak chunga chun nangni le nangni inrem sângin,

THUPUONGSUO 12:11

Berâmte thisen lei le an inhriettirna thu leiin, ama chu an hne a nih; thi ngam khawpin an hringna an ngainêp bawk a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.