JUDA 1:1 - Pathien Lekhabu Inthieng (BSI)

¹ Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

JUDA 1:1 ပူးပေါင်းရင်းမြစ်များ

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

JOHAN 14:22

Chun, Juda (Iskariot naw lem) chun a kuomah, “Lalpa, keini kuomah inlâr i ta, khawvêl kuoma în lâr naw ding chu iengdinga?” a ta.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:1

Paula, Isu Krista suok, tirko ni dinga ko, Pathien Chanchin Ṭha hril dinga ṭhethlâka um lekha-thawn:

JOHAN 17:15

“Anni chu khawvêla inthawka la suok dinga ngen che ka ni naw a, mi suol laka hum dingin ka ngên lem che a nih.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:30

Chun, a ruot lâwkhai chu a ko bawk a; a kohai chu thiem ân changtir bawk a; chun, thiem ân changtir hai chu a châwimâwi bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:22

Tu ruok hin chu suola inthawka sukfihlîma um a, Pathien suokhai in hung ni hin, inthiengna hmu khawpin ra in nei in sawnnaw; chu chu tâwpna kumkhuoa hringna leh.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inremna sukpungin um raw se.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

EPHESI 5:26

kohran chu tuia sâwpa, thu chun sukfaia ân thieng theina dingin;

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:24

Chu lunginsietna bêlhai chu Judahai lai chau ni lovin, Jentailhai laia inthawka kohai khawm ei nih.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

LUKA 6:16

Jakob naupa Juda hai, ân mantirtu ding Juda Iskariot hai an nih.

THILTHAWHAI 20:32

“Tuhin Pathien kuomah le a lunginsietna thuah kân kawltir cheu, chu chun a siem lien thei cheu a, mi inthienghai lai ro chan ân neitir thei bawk cheu a.

THILTHAWHAI 1:13

Chun, an lûtin an umna pindan chunghnunga chun an hang fe a, Peter le Johan leh, Jakob le Andri leh, Philip le Thoma leh, Bartholomai le Matthai leh, Alphai naupa Jakob leh, Simon Zelot pâwla mi le Jakob naupa Juda leh an nih.

JOHAN 17:19

Anni leiin kân sukthieng a nih, anni khawm thutaka an inthieng theina dingin.

JOHAN 17:17

Anni chu thutakin sukthieng rawh, i thu chu thutak a nih.

JOHAN 15:16

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 6:39

Hi hi a mi tirtu dit zâwng chu a nih, amân a mi pêk po po iengkhawm inhmang naw lang, ni kin nia chun keitho lem lang.

MARKA 3:18

Andri hai, Philip hai, Bartholomai hai, Matthai hai, Thoma hai, Alphai naupa Jakob hai, Thaddai hai, Kanaana Simon hai;

MATTHAI 10:3

Philip le Bartholomai hai; Thoma le siedâwltu Matthai hai; Alphai naupa Jakob le Thaddai hai,

MATTHAI 13:55

Hi mi pa hi thingrem siemtu naupa kha a ni naw am a nih? A unauhai khawm, Jakob, Josef, Simon, Juda an tihai chu an ni naw am a nih?

MARKA 6:3

Hi mipa hi Mari naupa, Jakob hai, Jose hai, Juda hai, Simon hairawi unaupa, thingrem siemtu kha a ni naw am a nih? A farnuhai khawm hitaka ei kuoma um an ni nâwm a nih?” an ta, mak an ti hle a. Chuongchun, a chungah an lungni ta naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:6

nangni khawm chuonghai lai chun Isu Krista ta ni dinga ko chu in nih.

JUDA 1:3

Dittakhai, ei ichang tlâng sandamna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.

JUDA 1:21

Thlarau Inthienga ṭawngṭaiin; chatuon hringna inneitirna khawp ei Lalpa Isu Krista lunginsietna chu nghâk pumin, Pathien hmangainaa chun inkawl ṭha ro.