JOSUA 8:29 - Pathien Lekhabu Inthieng (BSI)

²⁹ Chun, Ai khuo lal chu zântieng chenin thinglêrah a khai a; nisa tlâka chun Josuain thu a pêk a; chuongchun, a ruong chu thinglêra inthawk chun an lâk thlâk a, khawpui dâi kawtkhâr lûtnaah an pei a, a chungah lung an dêng vûm thûr a, chu chu tu chen hin a la um.

JOSUA 8:29 ပူးပေါင်းရင်းမြစ်များ

2 SAMUEL 18:17

Chun, Absalom ruong chu an lâk a, rampui hnuoia khursûng inthûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân ta a.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

INPÂKNA HLABU 107:40

Ama chun mi lienhai chungah hmusitna a bunthlâk hlak a, Thlalêr lampui hrim hrim um nawnaa chun ân vâktir ân vâktir a.

INPÂKNA HLABU 110:5

Lalpa i changtienga um chun, A lunginsen nia chun lalhai sât bawng rem rum a tih.

JOHAN 19:31

Chun, Inringlâwk ni a ni leiin, ruonghai chu Châwlnia krawsa a um zing nawna dingin, (chu Châwlni chu ni ropui a ni si a,) Judahaiin Pilat kuomah an kehai suktlieka, an ruong fepui dingin an ngên a.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

JOSUA 10:30

chuongchun, chu khuo chu an lal pumin Israelhai kutah a pêk nâwk bawk a; chun, chu khuo chu thawin a sûnga um po pohai chu kâwlhnâmin an sukhlum vawng a, a sûngah mi pakhat khawm hla hrim hrim an nei nawh; Jeriko khaw lal chunga an thaw ang bawk khan chu khaw lal chunga khawm chun an thaw a.

JOSUA 10:33

Chuongchun, Gezer lal Horam chu Lakis ṭhangpui dingin a hung a, chun, Josua chun ama le a rawihai leh pakhat khawm hlâ hlek lovin a lo that rip a.

JOSUA 12:9

Jeriko lal pakhat; Bethel depa Ai khuo lal pakhat;

JOSUA 7:26

A chunga chun lung an intieng vûm thûr a, tu chen hin a la um a; chun, Lalpa lunginsenna nasatak chu a re ta a; chuongchun, chu hmun hminga chun tu chen hin Akor ruom an la ti zing a.

JOSUA 8:23

Ai khuo lal ruok chu a hringin an man a, Josua kuomah an ṭhuoi a.