JOSUA 8:28 - Pathien Lekhabu Inthieng (BSI)

²⁸ Chuongchun, Josua chun Ai khuo chu a raw a, kumkhuoa dingin hnuoi pâwngah a siem a, tu chen hin râusan a lo ni tah a nih.

JOSUA 8:28 ပူးပေါင်းရင်းမြစ်များ

2 LALHAI 19:25

Keimain inhmaa inthawka chuong chu ka thaw a nizie dâm, inhma laia chuong chu ka siem a nizie dâm chu i hriet naw am a nih? Khaw kul neihai chu in chim khâwm el anga suksetu dingin ka ruot ta che a ni hi.

ISAI 17:1

Damaska khaw phurrik chu. Ngai ta, Damaska chu khawpui ni ta lo dingin lâk hmang a ni tah; chuongchun, in chim khâwm el ni tâng a tih.

ISAI 25:2

Khawpui khawm hnuoi pâwngah în changtir a; khuo kulpui nei khawm khaw ṭawpah în changtir a; ram dang mihai lal in khawm bâwlin um nâwk ta naw nih.

JEREMIA 49:2

Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

JEREMIA 50:26

Kil tina inthawk chun ama chu hung rûn unla, a siekhâwmna inhai chu hawng unla, ama chu pil dêng pâwng angin dêng pâwng unla, sukse letdêr ro; a ieng iengkhawm hlain um naw raw se.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

DÂN PAHNINA 13:16

Râllâk sum po po chu khawlaiah la khâwm in ta; chun, khuo le râllâk sum po po chu Lalpa in Pathien kuomah pumrawhmang thilinhlân dingin râwng in ta, pil pâwng el ni kumkhuo tâng a tih, inngîr ni nâwk ta ngai naw nih.

DÂN PAHNINA 13:17

Râllâk sum chu a ieng ieng khawm in tâwk ding a ni nawh, Lalpa chun a lungsenna nasatak chu inlêt a ta, zângaina inhmutir a ti cheu a, lunginsiet a ti cheu a, a sukpung ding cheu a nih; in pi le puhai kuoma ṭawng a lo inkhâm ta ang khan;

JOSUA 4:9

Chun, thuthlungna bâwm zâwntu thiempuhai ngîrna lai tak, Jordan vadung lailunga chun Josua chun lung sâwmpahni a phun a, chuong chu tu chen hin a la um zing a nih.

JOSUA 8:29

Chun, Ai khuo lal chu zântieng chenin thinglêrah a khai a; nisa tlâka chun Josuain thu a pêk a; chuongchun, a ruong chu thinglêra inthawk chun an lâk thlâk a, khawpui dâi kawtkhâr lûtnaah an pei a, a chungah lung an dêng vûm thûr a, chu chu tu chen hin a la um.