JOSUA 6:22 - Pathien Lekhabu Inthieng (BSI)

²² Chun, Josua chun mi pahni ram va enthlatuhai kuoma chun, “Nâwchizawr ina chun va lût unla, a kuoma ṭawng in lo inkhâm ta ang khan chu nuhmei chu a nei po po leh va ṭhuoi suok ro,” a ta.

JOSUA 6:22 ပူးပေါင်းရင်းမြစ်များ

2 SAMUEL 21:2

Chun, lal chun Gibeon mihai chu a ko a, an kuomah, (Gibeon mihai chu Israel thlahai an ni naw a, Amor mi la um sunhai kha an ni lem a; Israel thlahai chun an chunga chun ṭawng an lo inkhâm ta a; Saula chun Juda thlahai le Israel thlahai ta dinga ṭhahnem a ngai leiin that a tum el hlak a nih).

2 SAMUEL 21:7

Nisienlakhawm, lal chun Lalpa kuomah David le Saula naupa Jonathan kâra, an pahni inkâra ṭawng inkhâmna leiin Saula naupa Jonathan naupa Mephiboseth chu a hum a.

INPÂKNA HLABU 15:4

Hnâwla umhai chu hmusit a, Lalpa ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

EZEKIEL 17:13

chun, lal chi khawm chu a ṭhuoi a, ama le chun thuthlung a siem ta a, chun, ama khawm chun inkhâmna hnuoiah a hung ṭhuoi a, rama mi thilthawtheihai chu a lâk hmang a;

EZEKIEL 17:16

Ka hring zing angin, Lalpa Pathien chun a tih; ama chu lala siemtu, a inkhâmna a hmusit le, a thuthlung a bawsietpêk lal umna hmun, ama kuomah Babulon sûng ngeia chun thîng a tih.

HEBRAIHAI 11:31

Ringnain Rahab nawchizawr kha awi nawhai lai a bohmang ve ta naw a, enthlatuhai chu tlangtaka a lâwm leiin.

JOSUA 6:17

Khawpui hi a sûnga thil um po po pumin suksiet dinga Lalpa kuoma pumpêk vawng ding a nih; Rahab nawchizawr chau, ama le a in sûnga ama le um po pohai ruok chu ei mi tirhai kha a lo thuphmang leiin hla ding a nih.

JOSUA 6:23

Chuongchun, enthlatu tlangvâlhai chu an va lût a, Rahab le a pa le a nu leh, a unaupahai leh, a nei po pohai le chun an va ṭhuoi suok a, a laibung unauhai po po khawm an va ṭhuoi suok a, Israelhai riebûk puotienga chun an inumtir a.

JOSUA 9:15

Chuongchun, Josua chun anni le chun inremna a siem a, anni chu hlâ dingin an inkârah thuthlung a siem ta a, chun, a pungkhâwmhai laia mi lienhai khawm chun an kuomah ṭawng an inkhâm ta a.

RORELTUHAI 1:25

Chun, khawpui sûng lûtna chu a kâwkhmu a, chuongchun, kâwlhnâmin chu khuo chu an thaw a, chu mipa le a sûnghai po ruok chu an hla a.