JOSUA 6:20 - Pathien Lekhabu Inthieng (BSI)

²⁰ Chuongchun, mipuihai chu an khêk a, tawtawrâwthai mût an ni a. Tawtawrâwt ri an hang hriet phingleh, an khêk ta dur dur a, kul chu a chim hmât vawng a; chuongchun, mi tin chu mâni hma zawn senga chun an fe a, khawpuia chun an lût a, khawpui chu an lâk ta a.

JOSUA 6:20 ပူးပေါင်းရင်းမြစ်များ

2 CHANCHIN SUINA 13:15

Chun, Juda mihai chu an khêk a; chuonga Juda mihai an khêk chun, Pathienin Israelhai po po le Jeroboam chu Abija le Juda mihai hmaa chun a hung suktlâwm ta a.

ZEPHANIA 1:16

in insâng kilkhâwr takhai chunga le khawpui kul neihai chunga suklâuna le tawtawrâwt mût ni chu a nih.

HEBRAIHAI 11:30

Ringnain Jeriko kul kha ni sari an inhuol hnungin a chim ta a.

JOSUA 6:5

Chun, berâmchal ki an mût rik ruoi ruoi a, tawtawrâwt ri in hriet pha chun, mipui po po chu inringtakin khêk dur dur raw se; chuongchun, khawpui kul chu chim rup a ta, mipui chu mâni hma zâwn sengah chun hang fêng an tih,” a ta.

1 SAMUEL 4:5

Chuongchun, Lalpa thuthlung bâwmin an riekhmun a hung tlung chun, Israel mi po pohai chu inringtakin an khêk ta dur dur el a, hnuoi chen khawm a tlawr ri dur dur el a.