JOSUA 4:3 - Pathien Lekhabu Inthieng (BSI)

³ ‘Jordan vadung lailung, thiempuhai ngîrna laitaka mi lung sâwmpahni la unla, put phei unla, riebûk, vawizâna in riekna dingah sie ro,’ tiin thu pe rawh,” tiin a hril a.

JOSUA 4:3 ပူးပေါင်းရင်းမြစ်များ

INṬANNA 28:22

hi lungphun ka phun khawm hi Pathien in nîng a tih: chun, ka kuoma i mi pêk ding po poa chun sâwma pakhat chu pe ngei ngei ka ti che,” tiin.

INPÂKNA HLABU 103:2

Aw ka hringna, Lalpa chu inpâk la, A thilthaw ṭhat po po chu theinghil naw.

INPÂKNA HLABU 11:4

Lalpa chu a biekin inthiengah a um a, Lalpa chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

LUKA 19:40

Ama ruok chun, “Ka hril cheu hi, hienghai hi an to zing chun, lunghai bêk an khêk suok ding a nih,” a ta, a dawn a.

JOSUA 24:27

Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.

JOSUA 3:13

chun, Lalpa hnuoi pumpui Lalpa bâwm zâwntu thiempuhai ke chun Jordan tui a sir charin Jordan tui, saktienga inthawka tui hung luonghai chu suktan nîng a ta; chuongchun, hlawm khata intling khâwmin ngîr a tih,” a ta.

JOSUA 4:4

Chuongchun, Josua chun Israel thlahai laia mi sâwmpahni, hnam tina mi pakhat pei a thlang suokhai chu a ko a;

JOSUA 4:8

Chun, Israel thlahai chun Josua thupêk ang chun an thaw a, Lalpain Josua kuoma a hril angtak chun, Israel thlahai hnam zât Jordan vadung lailunga mi lung sâwmpahni chu an lâk a; an riekna hmuna chun an put phei a, chutaka chun an sie a.

1 SAMUEL 7:12

Chuongchun, Samuel chun lung a lâk a, Mizpa le Sen inkâra chun a phun a, “Hi chen hi Lalpain a mi ṭhangpui a nih,” tiin a hminga chun Ebenezer ân bûk a.