JOSUA 24:27 - Pathien Lekhabu Inthieng (BSI)

²⁷ Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.

JOSUA 24:27 ပူးပေါင်းရင်းမြစ်များ

JOB LEKHABU (THE BOOK OF JOB) 31:23

Pathiena inthawka sietna chu ka ṭi lei le, A ropuina ṭina leiin chuong thilhai chu ka thaw thei naw a nih.

JOB LEKHABU (THE BOOK OF JOB) 31:28

Hi khawm hi rîtlona rorêltuin a hrem ding chu a nih: Chunga um Pathien chu ka hlêm a ni ding an si a.

THUVARHAI 30:9

Ka hung tlai hin inphat ka ti che a “Lalpa chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsietnain hmang rawi ka tih.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

HABAKKUK 2:11

Banga inthawk chun lung chuhung khêksuok a ta, Thing laia tlungpûm chun a hung dawn ding a ni si a.

NAMBAR 11:20

thla khat pumhlûm, nghawk khawp rak le in hnâr kuoa suok rak khawpin fâng in tih; nangni laia um Lalpa chu dit lova, Ieng dinga Aigupta rama kha suok am ei ni aw, tia a hmaa in ṭap leiin,’ ti rawh,” a ta.

MATTHAI 10:33

Nisienlakhawm, tukhawm mihai hmaa a mîn phat taphawt chu, ka Pa vâna mi hmaah inphat vêng ka tih.

LUKA 19:40

Ama ruok chun, “Ka hril cheu hi, hienghai hi an to zing chun, lunghai bêk an khêk suok ding a nih,” a ta, a dawn a.

DÂN PAHNINA 30:19

In hmaah hringna le thina, malsâwmna le ṭawngsie ka sie ti tuhin in chungchâng thua hretu dingin hnuoi le vân ka sâl a nih; chuongchun, hringna chu thlang ro, in hring theina dingin, nangni le in thlahai leh;

DÂN PAHNINA 31:19

Chuleiin, hla hi in ta dingin ziek la, Israel mihai chu inchûktir rawh; Israel mihai chungchâng thuah hi hla hi a mi hrepuitu a ni theina dingin invawntir rawh.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si naw a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a ti a.

DÂN PAHNINA 31:26

“Hi dân bu hi la unla, in chungchâng thua hretu dingin Lalpa in Pathien thuthlung bâwm sîrah sie ro.

DÂN PAHNINA 32:1

“Na lo sit ro, vânhai ka hril ding a nih; Ka ṭawngbau suok leihnuoi hin lo ngai raw se,

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

JOSUA 22:34

Chun, Reuben mihai le Gad mihai chun chu maichâm chu Ed an inbûk a, “Lalpa chu Pathien a lo ni ngei ti ei kâra hin hrietpuitu a ni leiin”, an ta.

JOSUA 24:28

Chuongchun, Josua chun mipuihai chu anni chanpuol ram senga khan ân fetir ta a.

THUPUONGSUO 3:8

I thilthawziehai ka hriet. Ngai ta, tûkhawm ikhâr thei naw kawtkhâr hawng sa i hmaah kân umtir, thilthawtheina tlâwmtê i nei leiin: chu chu sa khawm chun ka thu i pawm a, ka hming khawm în phat naw kha.

1 SAMUEL 7:12

Chuongchun, Samuel chun lung a lâk a, Mizpa le Sen inkâra chun a phun a, “Hi chen hi Lalpain a mi ṭhangpui a nih,” tiin a hminga chun Ebenezer ân bûk a.