JOSUA 23:4 - Pathien Lekhabu Inthieng (BSI)

⁴ Ngai ta u, hieng hnam a la umhai hi, hieng hnam ka sukbo tahai po po ramhai le hin, Jordana inthawka nisa tlâkna tieng Mediterranean tuipui tlung rakin in chihai rochanah ka ruotpêk cheu a nih.

JOSUA 23:4 ပူးပေါင်းရင်းမြစ်များ

INPÂKNA HLABU 105:11

“Kanaan ram hi i kuomah pêng ka ti che, I rochan puol ding chu,” tiin;

INPÂKNA HLABU 78:55

Hnam tin chu an hmaah a hnawt suok a, Anni chu hruia inkhi dingin rochanah a siem a. An puon ina chun Israel hnamhai chu ân umtir ta a.

FESUOKNA 23:30

I hung pung a, ram chu i hluo thei zet hmakhat chu anni chu tlawmte têin i hmaa inthawkin hnawt suok hret hret ka tih.

ZEPHANIA 3:6

Hnamhai chu ka sât thlâk a, an in insânghai chen khawm chu râusanin a um ta a; an kawtthlêrhai chu ka suksiet vawng a, tukhawma an hraw ta naw a; an khawpuihai chu suksietin a um a, chuongchun, mi an um ta naw a, a hluotu khawm an um ta nawh.

DÂN PAHNINA 12:29

“Lalpa in Pathienin va hne ding hnamhai a sukbohmangpêk cheu a, an ram in hluo a, in khawsak pha chun;

JOSUA 13:2

Hieng ramhai hi a nih lâk lo chu: Philistin mihai ram po pohai le, Gesur mihai ram po pohai,

JOSUA 18:10

Josua chun Siloa chun Lalpa hmaa chun ṭhum a lo vâwrpêk a, chutaka chun Israel thlahai chu an inṭhe ang pei chun ram chu a sem ta a.

RORELTUHAI 2:21

chuleiin, kei khawma tuta chin chu Josua thi hmaa hnawt suok bâk hnamhai hi hnawt suokpêk ta naw ning ah: