JOSUA 22:27 - Pathien Lekhabu Inthieng (BSI)

²⁷ keini le nangni le ei hnunga ei thlahai kâra hrietna ding nîng a ta, chuongchun, kan pumrawhmang thilinhlânhai, kan inthâwina dâm le, kan inremna thilinhlânhai hin Lalpa rawng kan bâwl theina dingin a nih; chuong naw chun in thlahai khawmin nakie tieng kan thlahai kuoma chun LalpaAH chanpuol in nei ve naw ie, hung ti rawi an tih,’ kan ti a nih.

JOSUA 22:27 ပူးပေါင်းရင်းမြစ်များ

INṬANNA 31:48

Laban chun, “Hi lung intieng khâwm hi vawisûn hin kei le nanga kâra hrietpuitu a ni hi,” a ti a. Chuleiin, a hminga chun Galeed inbûk a ni ta a.

INṬANNA 31:52

Pawi intâwkpêk dingin, keiin hi lung intieng khâwm hi khêlin i kuom tieng hung naw ningah, ti le, nang khawmin hi lung intieng khâwm le hi lungphun hi khêlin ka kuom tieng hung naw ti nih, ti hi lung intieng khâwm hi hrietna ni sienla, hi lungphun khawm hi hrietna ni bawk raw se.

INPÂKNA HLABU 16:5

Lalpa chu ka rochan ding le ka no chan ding chu a na, Nangin ka chanpuol i mi sukdetpêk hlak.

ISAI 19:19

Chu nia chun Aigupta ram laia chun Lalpa ta dingin maichâm um a ta, a ramria chun Lalpa ta dingin lungphun um a tih.

DÂN PAHNINA 12:11

Lalpa in Pathienin a hming inumtirna ding a ruot ding hmuna hung lâk dinga ka ti po po chutaka chun in hung lâk ding a nih, in pumrawhmang thilinhlânhai, in sâwmapakhat dâm, in thên thilinhlânhai, Lalpa kuoma thutiema in tiem ṭha ṭhahai le chun.

JOSUA 22:10

Chun, Kanaan ram Jordan biel an va tlung chun Reuben mihai le Gad mihai le Manasse hnam zâtvehai chun Jordan vadung panga chun maichâm lientak el langsârtak hi an siem a.

JOSUA 22:26

Chuleiin, ‘Hung ta u, maichâm siem ei tiu, pumrawhmang thilinhlânna ding le inthâwina ding ruok chu ni lovin,

JOSUA 22:28

Chu nawa khawm, nakie pha kan kuoma manih, kan thlahai kuoma manih chuong anga an la hung ti pha leh keinin, ‘En ta unla, kan thlatuhaiin Lalpa maichâm umdân an siem hi pumrawhmang thilinhlânna ding le, inthâwina ding a ni naw a, keini le nangni kâra hrietna a ni lem, kan la tina dingin,’ kan ti a nih.

JOSUA 22:34

Chun, Reuben mihai le Gad mihai chun chu maichâm chu Ed an inbûk a, “Lalpa chu Pathien a lo ni ngei ti ei kâra hin hrietpuitu a ni leiin”, an ta.

JOSUA 24:27

Chun, Josua chun mipuihai po po kuoma chun, “Ngai ta u, hi lung hi ei thuhretu ni raw se, Lalpain ei kuoma a thuhrilhai po po chu a hriet ta hi; chuleiin, in thuhretu a ni ding a nih, chuong a ni naw chun, Pathien hi inphatsan el rawi in tih,” a ta.

1 SAMUEL 7:12

Chuongchun, Samuel chun lung a lâk a, Mizpa le Sen inkâra chun a phun a, “Hi chen hi Lalpain a mi ṭhangpui a nih,” tiin a hminga chun Ebenezer ân bûk a.