JOSUA 22:25 - Pathien Lekhabu Inthieng (BSI)

²⁵ Nangni Reuben mihai le Gad mihai, Lalpain keini le nangni ta dingin Jordan hi ramri dingin a siem in sawnnaw, LalpaA hin chanpuol in nei ve hlak lêm,’ hung ti hlau rawi an tih tia, fimkhurna leia thaw san nei taka thaw kan nih in sawnnaw, in thlahaiin kan thlahai chu Lalpa ṭina châng hre lovin an la siem el thei in sawnnaw.

JOSUA 22:25 ပူးပေါင်းရင်းမြစ်များ

2 SAMUEL 20:1

Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve naw a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngaituo el rawh,” tiin lal chu an dawn a. Chuongchun, Israelhai chu an puon in tieng chun an fe ta a.

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 15:30

chu chu Israelhai thil insuksuoltira a thaw, Jeroboam suolnahai lei le Lalpa Israelhai Pathien chu a suklungsen lei a nih.

NEHEMIA 2:20

Chun, anni chu ka dawn a, an kuomah, “Vân Pathien chun mi suktluongtlung a ta; chuongchun, keini a siehlawhai chu tho kan ta, inngîr kan tih; nangni ruok chun Jerusalema hin chanvo amanih, thuneina amanih, hnûhma amani khawm in nei naw hrim hrim a nih,” ka ti a.

INPÂKNA HLABU 16:5

Lalpa chu ka rochan ding le ka no chan ding chu a na, Nangin ka chanpuol i mi sukdetpêk hlak.

THILTHAWHAI 8:21

Hieng thua hin i ṭhang ve nawh, chan khawm i nei bawk nawh; i lungril Pathien ngaiin a fel nawh.

JOSUA 22:24

Nakie pha chun in thlahaiin kan thlahai kuomah, ‘Lalpa Israelhai Pathien hi nangnîn ieng am in hmang phâk vena a um lie?

JOSUA 22:26

Chuleiin, ‘Hung ta u, maichâm siem ei tiu, pumrawhmang thilinhlânna ding le inthâwina ding ruok chu ni lovin,

JOSUA 22:27

keini le nangni le ei hnunga ei thlahai kâra hrietna ding nîng a ta, chuongchun, kan pumrawhmang thilinhlânhai, kan inthâwina dâm le, kan inremna thilinhlânhai hin Lalpa rawng kan bâwl theina dingin a nih; chuong naw chun in thlahai khawmin nakie tieng kan thlahai kuoma chun LalpaAH chanpuol in nei ve naw ie, hung ti rawi an tih,’ kan ti a nih.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu Lalpa a ni chun thilinhlân chu pawm hrâm sienla; mihriem nauhai an ni ruok chun Lalpa hmaah ṭawngsephurin um raw se, ‘Fe la, pathien danghai rawng bâwl rawh,’ tia Lalpa ro ka hluo thei nawna dinga vawisûn hin an mi hnawt hmang ka ni si a.