JOSUA 21:43 - Pathien Lekhabu Inthieng (BSI)

⁴³ Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.

JOSUA 21:43 ပူးပေါင်းရင်းမြစ်များ

INṬANNA 12:7

Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 28:4

Mikhuol i nina ram, Pathienin Abraham kuoma a pêk hi i hluo theina dingin Abraham malsâwmna chu indawngtir bawk raw se che, nang le i thlahai khawm,” a ti a.

2 CHANCHIN SUINA 20:8

Chuongchun, chutaka chun an um a, i ta dingin i hmingin hmun inthieng chutaka chun an bâwlpêk che a,

NEHEMIA 9:24

Chuongchun, an thlahai chun ram chu an hluo ta a, chun, nangin chu rama um Kanaan mihai chu an hmaah i suktlâwm a, an nuom nuom an law dingin an lalhai le chu rama mihai le chun an kutah i pêk a.

NEHEMIA 9:8

chun, a lungril chu i hmaa chun ringumin i hriet a; Kanaan mihai, Hit mihai, Amor mihai, Periz mihai, Jebus mihai, Girgas mihai ram chu ama kuoma pe dingin, a thlahai chena pe dingin thu i thlung a; chun, i thu chu i hlen bawk a, feltak i ni si a.

INPÂKNA HLABU 105:8

A thuthlung chu kumkhuoin a hriet hlak a, Suon sâng khat chena a thu lo pêk chu;

INPÂKNA HLABU 44:3

Ram chu hluo dinga anni kâwlhnâma an lâk a ni naw a, Anni bâna insandam an ni bawk nawh; An chunga i lâwm leiin, I kut changtieng le, i bân le i hmêl varin a ni lem.

INPÂKNA HLABU 78:55

Hnam tin chu an hmaah a hnawt suok a, Anni chu hruia inkhi dingin rochanah a siem a. An puon ina chun Israel hnamhai chu ân umtir ta a.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

NAMBAR 33:53

chun, ram chu hluong in ta, chutaka chun um in tih; in hluo dingin ram chu ka pêk ta cheu a nih.

NAMBAR 34:2

“Israel mihai chu thu pe la, an kuomah, ‘Kanaan ram in tlung pha chun, (Kanaan rama ramri izir ang peia in hluo ding ram chu) simtienga in hluo ding chin chu Zin thlalêra inthawka Edom ram hrûl peiah nîng a tih;

DÂN PAHNINA 11:31

Lalpa in Pathienin a pêk cheu ram va hluo ding chun Jordan chu in kân ding a na, hluong in ta, chutaka chun um in tih.

DÂN PAHNINA 12:29

“Lalpa in Pathienin va hne ding hnamhai a sukbohmangpêk cheu a, an ram in hluo a, in khawsak pha chun;

DÂN PAHNINA 17:14

“Lalpa in Pathienin ram a pêk cheu chu in va tlung a, in va hluo a, in va um a, ‘Ei vêla hnam po po ang bawkin lal nei ei tiu,’ in ti pha chun;

DÂN PAHNINA 34:4

Chun, Lalpain a kuomah, “Hi ram hi a nih, Abraham hai, Isak hai, Jakob hai kuoma, ‘In thlahai la pêng ka tih,’ tia inkhâma ka lo tiem kha; a hmu chu kân hmutir phawt che a na; nisienlakhawm, chutaka chun fe naw ti ni,” a ta.

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni si a.

JOSUA 21:42

Chuong khawpuihai chun khaw kâwlvêl a nei seng a, chuong khawpui po po chu chuong ang vawng chu an nih.

RORELTUHAI 11:24

I pathien Kemos-in i puola a lo ruotpêk che chu i nei el ding a ni naw am a nih? Chun, Lalpa kan Pathienin kan hmaa a lâkpêkhai chu kan nei ding a nih.

1 SAMUEL 12:8

Aigupta rama Jakob a lût hnung khan, in puhai chun Lalpa an ko a, chuongchun, Lalpa chun Mosie le Aron a tir a, anni chun in puhai chu Aigupta rama inthawkin an ṭhuoi suok a, hi hmuna hin an inumtir ta a.