JOSUA 17:17 - Pathien Lekhabu Inthieng (BSI)

¹⁷ Josua chun Josef sûnghai, Ephraim le Manasse thlahai kuoma chun, “In tam hle a, hrât khawm in hrât a; chuongchun, chan khat chau chu nei da ti niu ie,

JOSUA 17:17 ပူးပေါင်းရင်းမြစ်များ

INṬANNA 48:16

suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, hnuoia hin mipui nasatak hung ni dingin hung pung raw hai se,” a ti a.

JOSUA 17:16

Josef nauhai chun, “Tlâng ram hi kan ta dingin a hun naw a nih, phai rama Kanaan mi chênghai po po, Beth-sean le a khawpuia umhai le Jezreel ruoma umhai hin thîr tawlailîr an nei seng si a,” an ti a.

JOSUA 17:18

tlâng ram khi in ta ni el raw se, rampui khawm ni sienla, vât in ta, a ram chin po po chu in ta a ni el ding annâwm; Kanaan mihai chun thîr tawlailîrhai neiin, hrât hle hai sien khawm, in la hnawt suok ding annâwm,” tiin a hril a.

1 SAMUEL 1:1

Ephraim tlâng rama Ramathaim-zophim khuoa chun mi pakhat a um a, a hming chu Elkana a nih; ama chu Jeroham naupa a na, ama chu Elihu naupa a na, ama chu Tohu naupa a na, ama chu Ephraim mi Zuph naupa a nih.