JOSUA 15:13 - Pathien Lekhabu Inthieng (BSI)

¹³ Jephunne naupa Kaleb chu Lalpain Josua thu a pêk angin Juda thlahai laia chun chanpuol a siempêk ve a; chu chu Kiriath-arba a nih; (chu chu Hebron an ti bawk a). Arba chu Anak pa a nih.

JOSUA 15:13 ပူးပေါင်းရင်းမြစ်များ

INṬANNA 13:18

Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun Lalpa ta dingin maichâm a siem a.

INṬANNA 23:2

Sara chu Kanaan rama Kiriath-arbaa chun a thi a (chu chu Hebron khuo a nih): chun Abraham chu Sara chunga ṭap ding le sûn dingin a hung a.

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

1 CHANCHIN SUINA 6:56

amiruokchu, a khawpui phûl le a khawperhai chu Jephunne naupa Kaleb kuomah an pêk a.

2 CHANCHIN SUINA 11:10

Zora dâm, Aijalon dâm, Hebron dâm, chuong chu Judai rama umhai le, Benjamin rama khawpui kul neihai a nih.

NAMBAR 13:30

Amiruokchu, Kaleb chun, Mosie hmaa mipui chu a sukto ṭhuop a, “Hang inthawk vak ei tiu khai, hang la el ei tiu, hne ngei ngei ei tih,” a ta.

NAMBAR 13:6

Juda hnam laia mi Jephunne naupa Kaleb.

JOSUA 11:21

Chuong lai chun Josua chu a fe a, tlâng rama inthawk dâmin, Hebrona inthawk dâmin, Debira inthawk dâmin, Anaba inthawk dâmin, Juda tlâng rama inthawk dâmin, Israel tlâng ram po poa inthawk dâmin, Anakim mihai chu a sukchimit vawng a, Josua chun an khawpuihai pumin a sukbohmang vawng a,

JOSUA 20:7

Chuongchun, Naphtali tlâng rama Galilia Kades, Ephraim tlâng rama Sekem le Juda tlâng rama Kiriath-arba (chu chu Hebron a nih) chu an ruot ta a.

JOSUA 21:11

Chun, Juda tlâng rama Kiriatharba (chu chu Hebron) le a khaw kâwlvêlhai chu an pêk a. Arba chu Anak pa a nih.

RORELTUHAI 1:10

Chun, Juda chun Kanaan mihai Hebrona umhai chu a va thaw a (a hma chun Hebron hming chu Kiriatharba a nih), chuongchun, Sesai, Ahiman le Talmai chu an that a.

RORELTUHAI 1:20

Chun, Mosiein a lo hril ta angin, Kaleb chu Hebron pêk a ni a; chutaka chun Anak naupasalhai pathum chu a hnawt suok a.

1 SAMUEL 25:3

Chu mipa hming chu Nabal a nih; a nuhmei hming chu Abigail a nih, chu nuhmei chu bengvârtak, hmêlṭhatak a na; a pasal ruok chu mi biek intaktak le mi rilotak a nih; Kaleb thla a nih.

1 SAMUEL 30:14

Kereth Sim ram le Juda chan Sim ramhai kan rûn a, chun, Kaleb Sim ram kan rûn bawk a; chun, Ziklag khuo khawm kan raw a,” a ta.

1 SAMUEL 30:31

Hebrona umhai dâm, David le a mihai chêttlatna hmun po poa um Juda upa, a ruolhai kuoma chun a thawn a.