JOSUA 13:31 - Pathien Lekhabu Inthieng (BSI)

³¹ Gilead ram zâtve le Basan ram lal Og rama Astaroth dâm, Edrei khuohai leh; chuong chu Manasse nau Makir thla, Makir thla zâtvehai ta dingin, an sûngkuo izir ang peia a ruot a nih.

JOSUA 13:31 ပူးပေါင်းရင်းမြစ်များ

1 CHANCHIN SUINA 6:71

Gersom mihai kuoma chun ṭhumvâwrin, Manasse hnam zâtve chanpuola inthawkin Basana Golan chu a vêl khuohai leh pêk a na;

INPÂKNA HLABU 60:7

Gilead chu ka ta a na, Manasse khawm ka ta a nih; Ephraim khawm chu ka lu humhimna a na, Juda chu ka lalhmawl a nih.

EZEKIEL 48:4

Naphtali ramria chun, saktieng panga inthawka thlangtieng pang chen chu, Manasse, chan khat.

JOSUA 12:4

chun, Astaroth le Edrei khuoa um Rephaim hnam la um sunhai laia chun Basan lal Og chu ân lal a.

JOSUA 13:12

Astaroth le Edrei khuoa lala inṭhung Basan lal Og ram po po leh (ama chu Rephaim hnama la um sun chu a nih); chuonghai chu Mosie khan a lo thaw a, a lo hnawt suok tah a nih.

JOSUA 13:32

Hieng Moab phai Jeriko zâwn, Jordan râl saktieng panghai hi a nih Mosiein an rochan dinga a lo sem chu.

JOSUA 17:5

Chuongchun, Jordan râla Gilead le Basan ram tiem lovin Manasse chanpuolah hmun sâwm a tlu a;

JOSUA 17:6

Manasse naunuhmeihai chun a naupasalhai laia chun chanpuol an nei ve lei a nih. Gilead ram chu Manasse naupasal danghai chun an chang a.

JOSUA 9:10

Jordan vadung râla Amor mihai lal pahnihai Hesbon ram lal Sihon hai dâm, Basan ram lal Astaroth khuoa um Og hai dâm chunga a thilthaw po pohai kha kan hriet si a.

RORELTUHAI 10:6

Israel mipui chun Lalpa mithmua thil suol chu an lo thaw nâwk ta a, Baalhai le Astaroth, Suria mihai pathienhai, Zidon mihai pathienhai, Moab mihai pathienhai, Ammon mihai pathienhai, Philistin mihai pathienhai rawng an lo bâwl ta a; chuongchun, Lalpa chu an nghatsan a, a rawng an bâwl ta naw a.

RORELTUHAI 5:17

Gilead mihai chu Jordan râlah an um zing a, Dan mihai chu iengdinga lawnghaia an um zing am? Aser mihai chu tuisuoriet pangah an ṭhung ṭawk ṭawk a, An likilkawihaia chun an um zing a.

1 SAMUEL 12:10

Chun, Lalpa chu an ko a, ‘Lalpa chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawngbâwl kan tih,’ an ta.

1 SAMUEL 7:3

Chun, Samuel chun Israel sûnghai po po kuoma chun, “In lungril takzeta Lalpa tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu Lalpa ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.