JOSUA 13:14 - Pathien Lekhabu Inthieng (BSI)

¹⁴ Levi hnamhai chau a nih rochan ding a pêk naw chu; an kuoma a lo hril ta ang khan, Lalpa, Israelhai Pathien kuoma meia thilinhlânhai kha an rochan a ni lem si a.

JOSUA 13:14 ပူးပေါင်းရင်းမြစ်များ

EZEKIEL 44:28

Chun, rochan nei nâwng an ta; kei hi an rochan chu ka nih; Israela chun ro pe naw ti ni a, kei hi an thilnei chu ka nih.

EZEKIEL 44:29

Bu thilinhlân dâm, suol thilinhlân dâm, bawsietna thilinhlân dâm chu fâng an ta; Israel laia thilhlân tinrênghai chu an ta nîng a tih.

DÂN PAHNINA 10:9

Chuleiin, Levi chun a unauhai lai chun chanvo khawm, rochan khawm a nei naw a; Lalpa in Pathienin a kuoma a hril angin Lalpa chu a rochan a nih).

DÂN PAHNINA 12:12

Lalpa in Pathien hmaa chun hlimtakin um in ta, nangni le in naupasalhai le, in naunuhmeihai leh, in suokpahai leh, in suoknuhai leh in khuohaia um Levi mihai leh, anni chun nangni lai chanvo le ram an nei ve si naw a.

DÂN PAHNINA 12:19

In rama in um sûng po chu Levi mihai chu ngaitha lo dingin fîmkhur ro.

JOSUA 13:13

Gesur mihai le Maakat mihai ruok chu Israel mihai chun an hnawt suok nawh. Gesur mihai le Maakat mihai chu tu chen hin Israel mihai lai an la um ta zing lem a nih.

JOSUA 13:15

Reuben thlahai chu an sûngkuo izir ang peiin Mosie chun ram a lo pêk ta a.

JOSUA 13:33

Levi chihai ruok chu Mosie chun rochan ding a pêk ve nawh; an kuoma a lo hril ta ang khan, Lalpa Israelhai Pathien chu an rochan a ni lem.

JOSUA 18:7

Levi mihai hin chu chu nangni lai chanvo an nei ve naw a, Lalpa thiempu sin hi an chanpuol a ni si a; chun, Gad mihai, Reuben mihai le Manasse hnam zâtvehai khan chu Jordan râl saktienga khan an chanpuol chu Lalpa siehlaw Mosiein a lo pêk kha an lo chang ta a,” a ta.