JOSUA 11:15 - Pathien Lekhabu Inthieng (BSI)

¹⁵ Lalpain a siehlaw Mosie thu a pêk ang bawkin, Mosie khawmin Josua chu thu a pêk ve a, chuong ang tak chun Josua chun a thaw pei a, Lalpain Mosie thu a pêk po po chu thaw naw hrim a nei dêr nawh.

JOSUA 11:15 ပူးပေါင်းရင်းမြစ်များ

2 CHANCHIN SUINA 30:12

Chun, Juda rama khawm chun Lalpa thua hotuhai le lal thupêk ang chu thaw dingin inthuruolna Pathienin a pêk a.

NAMBAR 33:50

Chun, Jeriko zâwn Jordan vapang Moab phaia chun Lalpain Mosie a biek a,

NAMBAR 33:52

Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

MATTHAI 23:23

“Nangni Dân inchûktirtu le Pharisai vervêkhai, in chung a rik! pudina dâm, mohuri dâm, zira dâm chu sâwma pakhat in pêk hlak a, dân thu pawimaw lem felna dâm, lunginsietna dâm, ringumna dâm chu in ngaitha si hlak; nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

LUKA 11:42

“Nangni Pharisaihai, in chung a rik ie! Pudina dâm, pardi dâm, thlai tinrêng dâm sâwma pakhat in pêk hlak a, felna le Pathien hmangaina chu in ngaitha hlak si a. Nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

THILTHAWHAI 20:20

Khâng khan a sâwt ding thil chu in kuomah iengkhawm hril intîm ka nei naw a, vantlâng lai dâm inchûktir ka ma naw kha.

THILTHAWHAI 20:27

Pathien thiltum po po arêngin in kuoma hril kân tîm naw a.

DÂN PAHNINA 12:32

“Thaw dinga thu ka pêk taphawt cheu chu in thaw ding a na, in belsa ding a ni naw a, in suktlâwm ding a ni bawk nawh.

DÂN PAHNINA 31:3

Lalpa in Pathien chun in hma ṭhuoi a ta, hieng hnamhai hi sukbopêk a ti cheu a, an ram chu hluong in tih; chun, Lalpain a lo hril ta angin Josua chun in hma ṭhuoi a tih.

DÂN PAHNINA 31:5

Lalpain anni chu inhlân a ti cheu a, thupêk ka pêk cheu po po ang khan an chungah in thaw ding a nih.

DÂN PAHNINA 31:7

Chun, Mosie chun Josua chu a ko a, Israel mi po pohai mithmuah a kuomah, “Hrâttak le huoitakin um rawh, hieng mihai kuoma hin an pi le puhai Lalpain inkhâma pêk a lo tiem ta rama chun i fe ve ding a nih, anni hi în hluotir ding a nih.

DÂN PAHNINA 4:2

Lalpa in Pathien thupêk ka pêk cheu hi in pawm theina dingin, thu ka pêk cheu hi in belsa ding a ni naw a, in suktlâwm ding a ni bawk nawh.

DÂN PAHNINA 4:5

Ngai ta u, in va hluo ding rama khawm in zâwm pei dingin Lalpa ka Pathienin thu a mi pêk ang takin dânhai le rorêlhai chu kân chûktir cheu a.

DÂN PAHNINA 7:2

in sukbohmang vawng ding a nih; anni le chun thu in thlung ding a ni naw a, in lunginsiet ding khawm a ni nawh.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniah khawm pêtsan dêr naw rawh.

JOSUA 11:12

Chun, chuong lalhai khawpuihai po po le an lalhai po po chu Josua chun a lâk vawng a, kâwlhnâma thawin a that a, a sukchimit vawng a; Lalpa siehlaw Mosiein thu a pêk ang khan.

JOSUA 11:14

Chuong khawpuia an râllâkhai po po le ranhai chu Israelhai chun anni chanpuolah an nei a, mihriem ruok chu an sukbohmang vawng hmakhat chu kâwlhnâmin an that a, ân thuokthei taphawt chu hla an nei nawh.

JOSUA 11:16

Chuongchun, Josua chun chuong ram po po, tlâng ram dâm, sim ram po po dâm, Gosen ram po po dâm, phai ram dâm, Araba dâm, Israelhai tlâng ram dâm, an phai ramhai leh a lâk vawng a.

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si naw a,” a ta. Chun, Samuel chu a lunginsen a, zânkhawvârin Lalpa chu a ko a.