JOSUA 10:27 - Pathien Lekhabu Inthieng (BSI)

²⁷ Nisa tlâka chun Josua chun thu a pêk a, thing lêra inthawk chun an lâk thlâk a, an inbîkna pûka khan an peilût a, pûk kawtkhâr chu lung lientak takin an sîn a, tu chen khawm hin a la um zing.

JOSUA 10:27 ပူးပေါင်းရင်းမြစ်များ

2 SAMUEL 18:17

Chun, Absalom ruong chu an lâk a, rampui hnuoia khursûng inthûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân ta a.

JOSUA 4:9

Chun, thuthlungna bâwm zâwntu thiempuhai ngîrna lai tak, Jordan vadung lailunga chun Josua chun lung sâwmpahni a phun a, chuong chu tu chen hin a la um zing a nih.

JOSUA 7:26

A chunga chun lung an intieng vûm thûr a, tu chen hin a la um a; chun, Lalpa lunginsenna nasatak chu a re ta a; chuongchun, chu hmun hminga chun tu chen hin Akor ruom an la ti zing a.

JOSUA 8:29

Chun, Ai khuo lal chu zântieng chenin thinglêrah a khai a; nisa tlâka chun Josuain thu a pêk a; chuongchun, a ruong chu thinglêra inthawk chun an lâk thlâk a, khawpui dâi kawtkhâr lûtnaah an pei a, a chungah lung an dêng vûm thûr a, chu chu tu chen hin a la um.