JOSUA 10:24 - Pathien Lekhabu Inthieng (BSI)

²⁴ Chuong lalhai chu Josua kuoma an hung ṭhuoi chun, Josua chun Israel mihai po po chu a ko khâwm a, a kuoma fe ve râl kâp mihai laia lusa deu deuhai kuoma chun, “Hung hnai unla, hieng lalhai ringahai hin in kephahaiin sir ro,” a ta. Chun, an hung hnai a, an ringahai chun an kephahai chun an sir ta a.

JOSUA 10:24 ပူးပေါင်းရင်းမြစ်များ

2 SAMUEL 22:39

An tho nâwk thei nawna dingin ka sukbohmang dêr a, ka sât fik a; Anih, ka ke hnuoiah an tlu ta a.

2 SAMUEL 22:41

A mi theidatuhai chu ka sukbohmang theina dingin, Nangin a mi dotuhai chu mi hnunginnghatin în umtir ta bawk a.

INPÂKNA HLABU 107:40

Ama chun mi lienhai chungah hmusitna a bunthlâk hlak a, Thlalêr lampui hrim hrim um nawnaa chun ân vâktir ân vâktir a.

INPÂKNA HLABU 110:1

Lalpa chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a ti a.

INPÂKNA HLABU 110:5

Lalpa i changtienga um chun, A lunginsen nia chun lalhai sât bawng rem rum a tih.

INPÂKNA HLABU 18:40

A mitheidatuhai chu ka sukbohmang theina dingin, Nangin a mi dotuhai chu hnung mîn nghatin în umtir ta bawk a.

INPÂKNA HLABU 91:13

Sakeibaknei le rûl chu sir dêng i ta, Sakeibaknei vânglai le rûlriel chu sir hriel neng i tih.

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

MALAKI 4:3

Chun, mi khawhlo chu sirde tâng in ta; ni ka isiem ngei ding nia chun in kepha hnuoia chun pilvut ang el an ni ta ding a ni si a, sipaihai Lalpa chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

DÂN PAHNINA 33:29

I hamṭha de, aw Israel, Nang ang hrim tu am an um a, Lalpa sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

HEBRAIHAI 1:13

Nisienlakhawm, vântirkohai laia tu chungchâng thu âm hi hi a hril hlak a? “Ka changtieng ṭhung rawh, I hmêlmahai i kepha sirsana, Ka siem hmakhat chun,”ti hi.

RORELTUHAI 8:20

Chun, a naupa upa tak Jether kuoma chun, “Khai le nangin that rawh,” a ti a. Nisienlakhawm, tlangvâl chun a kâwlhnâm chu a phawi naw a, tleirâwl chau a la ni leiin a ṭi a nih.