JOSUA 10:20 - Pathien Lekhabu Inthieng (BSI)

²⁰ Chun, Josua le Israel mihaiin anni chu nasataka beiin an that a, an that zo deuthaw a, an that mahla tlâwmte chu an khaw kulhaiah an tlânlût hman a.

JOSUA 10:20 ပူးပေါင်းရင်းမြစ်များ

2 SAMUEL 20:6

Chuongchun, David chun Abisai kuomah, “Bikri naupa Seba hin Absalom nêk hmanin ei pawi a tâwk ding a nih ie, i pu mihai hi ṭhuoi la, hnawt ro khai; chuong naw chun khaw kul neia dam lût hman a ta, ei hmu phâk nawa hin insuo hlau rawi ei tih,” a ta.

1 LALHAI 20:21

Chun, Israel lal chu a va suok a, sakawr le tawlailîrhai chu a va thaw a, Suria mihai chu a va that rak el a.

2 CHANCHIN SUINA 13:17

Abija le a mihai chun nasatakin anni chu an that ta a, chuongchun, thlang ṭhieu Israel mi nuoi nga chu thatin an tlu ta a.

JEREMIA 4:5

Juda rama chun hrilfie unla, Jerusalema chun puong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kulneiahai chun fêng ei tiu,” tiin.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

DÂN PAHNINA 20:16

Lalpa in Pathienin hluo dinga a pêk cheu laia hnamhai khuohaia ruok hin chu hring taphawt chu iengkhawm in hla ding a ni naw a,

JOSUA 10:10

Lalpain anni chu Israelhai hmaa chun a sukbuoi ta a, Gibeona chun tamtak a that a, Beth-horon hang fena lampuiah a hnawt a, Azeka le Makeda chenin a that pei a.

JOSUA 10:19

Nangni ruok chu um naw unla, in hmêlmahai chu hnawt pei unla, a hnung dâlhai kha that unla, an khuoa hrim hrim inlûttir naw ro, Lalpa in Pathien chun anni chu in kutah a pêk ta si a,” a ta.

JOSUA 10:21

Israel mi po po chu Josua kuom tieng Makedaa chun râl muongtakin an hung nâwk ta a, tukhawma Israelhai kal zâwnga ṭawng ngam an um der nawh.

JOSUA 11:12

Chun, chuong lalhai khawpuihai po po le an lalhai po po chu Josua chun a lâk vawng a, kâwlhnâma thawin a that a, a sukchimit vawng a; Lalpa siehlaw Mosiein thu a pêk ang khan.

JOSUA 11:8

Chun, Lalpain anni chu Israelhai kutah a pêk a, an thaw a, Zidon Ropui chen dâm, Misrephoth-maim hmun chen dâm, saktieng panga Mizpe ruom chen dâmin an hnawt a; pakhat khawm hla hrim hrim nei lovin an that vawng a.

JOSUA 8:24

Israel mihai chun Ai khuoa mi phûla umhai po po chu thlalêr rama anni an va hnawtna hmunah an that zo a, an rênga kâwlhnâma an that rêm dêr hnung chun, Israel mihai po po chu Ai khuo tieng chun an kîr nâwk a, kâwlhnâmin an that ta a.