JONA 4:9 - Pathien Lekhabu Inthieng (BSI)

⁹ Pathien chun Jona kuomah, “Ûm chungchâng thua I lunginsen hi i thaw dik am a nih?” a ta. Ama chun, “Thi pha khawp hiela ka lunginsen hi ka thaw dik a nih,” a ta.

JONA 4:9 ပူးပေါင်းရင်းမြစ်များ

1 LALHAI 21:4

Chun, Jezreel mi Naboth chun a kuoma chuong ang thu chu a hril lei chun Ahab chu ngûitak le lungâwi nawtakin a inah a lût ta a, “Ka puhai ro pe thei naw ning che,” a ti tlat si a. Chuongchun, a khuma chun a zâl a, khingtieng a ngha a, bu hrim hrim khawm a fâk nuom ta naw a.

JOB LEKHABU (THE BOOK OF JOB) 18:4

Nang le nang i lunginsena insukpuokkhawi che hi; Hnuoi chu nangma ta dingin mâksan a ni ding am a nih? Annawleh, lungpui chu a hmuna inthawka sawn hmang a ni ding am a nih?

JOB LEKHABU (THE BOOK OF JOB) 36:18

Lunginsenna a um leiin, indittâwkna chun ṭhuoi hmang hlau a che, fîmkhur rawh; Intlanna nasatak chun nang chu hnâwlhmang bâwk naw raw se che.

JOB LEKHABU (THE BOOK OF JOB) 5:2

Lunginsenna chun mi invêt chu a sukhlumin, Îtthîkna chun mi intlâw chu a that hlak si a.

JONA 4:1

Amiruokchu, chu thil chun Jona chu a suklungni ta naw êm êm a, a lunginsen a,

JONA 4:10

Lalpa chun, “I în rimpui lo, I în ṭhangtir khawm ni lo, zân khat thila hung uma, zân khat thila bohmang nâwk ûm hi i lainat a;

JONA 4:8

Chun, nisa a hung suok chun Pathienin khawsak thli lum a ruot a; nisa chun Jona lu chu a em a, a thidang a, a ta ding chun thi a hni ta a; “Keia ta dingin dam nêkin thi a ṭha lem,” a ti ta a.

MATTHAI 26:38

Chun, an kuomah, “Ka lungril a lungngai bêk bêk a; thina khawp rau a nih. Hitaka hin um unla mi vêngpui ro,” a ta.

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

THUPUONGSUO 9:6

Chuong nia chun mihaiin thina zawng an ta, hmu dêr si naw ni hai; thi inhâwk an ta, nisienlakhawm, thina chun tlân san a tih.

RORELTUHAI 16:16

Chuonga ni tin ela a mawr rak a, a ngên tlut tlut leiin, thina khawp rauin a lungvar a hung lunginzîng ta a.