JONA 4:8 - Pathien Lekhabu Inthieng (BSI)

⁸ Chun, nisa a hung suok chun Pathienin khawsak thli lum a ruot a; nisa chun Jona lu chu a em a, a thidang a, a ta ding chun thi a hni ta a; “Keia ta dingin dam nêkin thi a ṭha lem,” a ti ta a.

JONA 4:8 ပူးပေါင်းရင်းမြစ်များ

INṬANNA 41:6

Chu hnunga chun vui sari chitê te khawsak thliin a mût ṭâwl bir berhai chu an hung suok nâwk a.

1 LALHAI 19:4

Ama ruok chu thlalêrah ni khat lama hlaah a fe a, Juniper thing hnuoia hin a ṭhung a, thi a hni ta a, “A hun tah ie, aw Lalpa, tuhin ka hringna hi la el ta, ka puhai nêkin ka ṭha chuong bîk si naw a,” a ta.

1 LALHAI 21:4

Chun, Jezreel mi Naboth chun a kuoma chuong ang thu chu a hril lei chun Ahab chu ngûitak le lungâwi nawtakin a inah a lût ta a, “Ka puhai ro pe thei naw ning che,” a ti tlat si a. Chuongchun, a khuma chun a zâl a, khingtieng a ngha a, bu hrim hrim khawm a fâk nuom ta naw a.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

JOB LEKHABU (THE BOOK OF JOB) 7:15

Chuongchun, ka lungril chun inâwkhlum le thina a thlang a nih; Hieng ka hringna nêk hin chu.

INPÂKNA HLABU 121:6

Sûnah nisa chun em naw ni che a, Zâna chun thlain em bawk naw ni che.

INPÂKNA HLABU 39:9

Nangma thaw a ni leiin, Ka ṭawng naw a, ka bau ka ka bawk nawh.

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni si a.

HLAHAI HLA 1:6

Ka hâng êm leiin kei mîn sit naw unla, Nisa chun a mi em duk leiin. Ka nu naupasalhai chu ka chungah an lunginsen a, Grêp huon enkawltuah an mi siem a; Keima grêp huon ruok chu ka enkawl nawh.

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

EZEKIEL 19:12

Nisienlakhawm, lunginsenna hmalthlakin a um a, Hnuoia pei thlâkin a um a, Sak thliin a sukṭâwl a, a ra a mût ṭil a, A kâu ngartak khawm chu suktliek a hung na, A vuoi ta a, meiin a kâng hmang ta a.

HOSEA 13:15

A unauhai laia chun a tluongtlung tak ni sien khawm, Khaw sak thli hung inthawk a ta, Thlalêra inthawka Lalpa thuok ngei chu a hung mêk a nih; A tuihnârhai chu kang a ta, A tuikhurhai chu ṭâwl zo a tih; Bûr le bêl ṭhahai po po, a ro chu sukse vawng a tih.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

JONA 1:17

Chun, Lalpa chun Jona lem dingin nga lientak a lo ruot ta a; chu nga sûnga chun Jona chu ni thum le zân thum a um a.

JONA 1:4

Nisienlakhawm, Lalpa chun thli natak el tuipuia chun ân hrângtir a, tuipuia chun thlipui nasatak el chu a hrâng ta a; chuongchun, lawng chu kawi ding ang elin a um ta a.

JONA 4:3

Chuleichun, Aw Lalpa, tuhin ka hringna hi mi lâkpêk el dingin ka ngên che; keia ta ding chun dam nêkin thi a ṭha lem si a,” a ta.

JONA 4:9

Pathien chun Jona kuomah, “Ûm chungchâng thua I lunginsen hi i thaw dik am a nih?” a ta. Ama chun, “Thi pha khawp hiela ka lunginsen hi ka thaw dik a nih,” a ta.

MATTHAI 20:12

‘Hieng a nuhnungtakhai hin darkâr khat chau an thaw a, keini sûn rinum le khawsa dotuhai tlukin i siem si a,’ an ta.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.

THUPUONGSUO 7:16

An phîng ṭâm ta naw ni a, dangchâr ta bawk naw ni hai; nisain em naw ni a, lum hrim hrim khawmin sukrinum ta bawk naw nih.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei naw a. Chun, ama chun, “Lalpa a nih annâwm, ṭha a ti ang peiin thaw raw se,” a ta.