JONA 3:9 - Pathien Lekhabu Inthieng (BSI)

⁹ Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

JONA 3:9 ပူးပေါင်းရင်းမြစ်များ

2 SAMUEL 12:22

Chun, ama chun, “Naupang kha a la dam lai khan bu dâm ka ngheiin ka ṭap luo a, ‘Naupang chu a dam theina dingin Lalpa chun a mi lunginsiet rawi mawh, tuin am hrieng ei ta?’ ka ti a na.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

INPÂKNA HLABU 85:3

I lunginsenna po po chu i lâk hmang a, I lunginsenna nasatak chu i nghatsan ta a.

INPÂKNA HLABU 90:13

Aw Lalpa hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

JEREMIA 26:13

Chuleiin, tuhin in thilthawhai le in umdânhai chu siemṭha unla, Lalpa in Pathien râwl chu awi ro; chuongchun, nangni dodâla LalpaIN thil ṭha naw a lo hril ta khawm chu lamlêt a tih.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

JONA 1:15

Chuongchun, Jona chu an pawm kâng a, tuipuia chun an the lût ta a; chun, tuipui infâwn so bur bur chu a re ta a.

JONA 1:6

Chuongchun, lawng hotu chu a kuoma chun a hung a, “Aw nang a inpa, iengtizie am a na? Tho la, i Pathien ko rawh, Pathien chun, ei bohmang nawna dingin a mi ngaituo rawi mawh,” a ta.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

1 SAMUEL 6:5

Chuleiin, in pânsie limhai le in ram suksetu chaichene lim chu siem unla; chun, Israelhai Pathien chu chawimawi ro; chuongchun, a kut chu in chunga dâm, in pathien chunga dâm, in ram chunga dâm sukzâng nuom rawi naw nîm.