JONA 2:8 - Pathien Lekhabu Inthieng (BSI)

⁸ Thil teplo khêl thu mei mei ngaituotuhai chun, An ta dinga ngilneina chu an nghatsan a nih.

JONA 2:8 ပူးပေါင်းရင်းမြစ်များ

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom naw a; thil teplo mei mei an pawm a, teplo mei mei an hung ni ta a; an chungchâng thua Lalpain, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk ve a.

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

INPÂKNA HLABU 31:6

Milim teplo mei mei ngaisângtuhai chu ka theida a, Kei ruok chun chu Lalpa ka ring a nih.

INPÂKNA HLABU 69:14

Chirhaka inthawk hin mi sanhim la, mîn tlumtir lul naw rawh. A mi theidatuhaia inthawk le, tui inthûktaka inthawk hi sanhimin mîn umtir rawh.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

MIKA 1:2

Nangni mipuihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

1 SAMUEL 12:21

iengkhawma ṭhahnem lo ding le sansuok thei lo ding cheu zuiin pêtsan naw ro, teplo mei mei an ni si a.