JONA 2:2 - Pathien Lekhabu Inthieng (BSI)

² Hieng ang hin a ti a: “Ka rinumna leiin Lalpa chu ka ko a, Ama chun a mi lo dawn a; Seol phîng sûnga inthawk chun ka ko a, Nangin ka râwl chu i hriet a.

JONA 2:2 ပူးပေါင်းရင်းမြစ်များ

2 CHANCHIN SUINA 33:12

Chuongchun, rimsitaka a hung um huna chun Lalpa a Pathien chu a zawng a, a thlatuhai Pathien hmaa chun ama le ama chu nasatakin ân sukhnuoi ta a.

INPÂKNA HLABU 116:3

Thina hruihruolhai chun an mi zem a, Seol natnahai chun a mi man a, Lunginzîngna le lungngaina ka tuok a.

INPÂKNA HLABU 120:1

Ka lunginzîng ni chun Lalpa chu ka ko a, Chuongchun, ama chun a mi hung dawn a.

INPÂKNA HLABU 16:10

Ka thlarau chu Seol kuomah i mâksan âwm si naw a, I mi inthieng hi hmawnna hmu i phal âwm bawk si naw a.

INPÂKNA HLABU 22:24

Ama chun rinum tuortu rinumzie chu a hmusit naw a, a tirdak bawk nawh; A hmai chu a kuoma inthawkin a thup naw a, Ama a ko chun a lo ngai lem hlak.

INPÂKNA HLABU 34:6

Hi mi rimsi hi a khêk a, Lalpa chun a lo hriet a, A lunginzîngna po poa chun a sansuok ta a.

INPÂKNA HLABU 4:1

Aw ka felna Pathien, ka ko pha che chun mi hung dawn la, Ka lunginzîng chun nangin i mi sukthawveng hlak a: Mi lunginsiet la, ka ṭawngṭâina hi mi ngaipêk la.

INPÂKNA HLABU 61:2

Ka lungril a chau lai hin kâwlkila inthawk hin ko ka ti che; Lungpui keia nêka insânga chun mi ṭhuoi la.

INPÂKNA HLABU 65:2

Aw ṭawngṭâina ngaitu, I kuomah tisa po po chu hung an tih.

INPÂKNA HLABU 86:13

Ka chunga i ngilneina chu a nasain; Ka hringna hi khursûng hnuoihnungtaka inthawkin i sanhim si a.

ISAI 14:9

Hnuoi tienga inthawka Seol chu i hung tlung tuok ding chein, nangma leiin a buoi mur mur a nih; mithi, hnuoia ṭhuoituhai po po chu, nangma leiin a chawktho a, hnam tin lal po pohai chu an lalṭhungphaa inthawk chun a keitho tah.

ṬAP HLA 3:55

Khur sûng inhnuoitaka inthawk chun, aw Lalpa, i hming ka hung ko a,

EZEKIEL 26:20

Chun, tienlaia mihai vânsama ṭumhai kuoma chun ṭhuoi ka ti che a, vânsama lo fe thla tahai lai, tienlaia inthawka râusana um tah hmuna hai, leihnuoi hnuoi tieng panga chêng dingin siem ka ti che a; hluo ni ta ngai hrim hrim naw ti ni; chun, mi hring rama chun i ropuina chu sie bawk ta naw ning;

EZEKIEL 31:14

a tâwpa chun tuihai kâwla thinghai po po chun an insâng leiin anni le anni inchawimawi ta ngai naw ni hai a, a kâubuk satak laia chun an lêrzîk khawm chu sie ta bawk naw ni hai a, tui dâwn ta po po chu, an thilthawtheihai chu an insâng ang chun ngîr ta naw bawk an tih; vânsama fe thla tahai, mihriem nauhai laia chun, leihnuoi hnuoi tienga chun anni chu thina kuoma pêk an ni ta si a.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

LUKA 11:10

Tûkhawm a hni taphawt chun an hmu hlak; tûkhawm a zawng chun an hmu hlak, tûkhawm a nawk chu hawngpêk ning an tih.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

THILTHAWHAI 2:27

Ka thlarau mithi khuoah mâksan naw ti ni a, I mi inthieng hmawnhmangna hmu khawm phal naw ti ni a;

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

1 SAMUEL 1:16

I suoknu hi Belial naunuah inbûk naw raw khai; ka lungrila sip liem ka lungninawna le ka lungngaina ka hril a ni hi,” a ta.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienlakhawm, David chu a Pathien Lalpaa chun ân sukhrât a.