JONA 1:8 - Pathien Lekhabu Inthieng (BSI)

⁸ Chun, a kuoma chun, “Hi thil ṭha naw ei chunga um hi tu lei am a nih mi hril rawh, kan ngên che hi? Ieng sinthaw am i na? Khâwlaia inthawka hung am i ni a? Khâw tieng ram mi am i na, khâwlai ieng hnam am i na?” an ti a.

JONA 1:8 ပူးပေါင်းရင်းမြစ်များ

INṬANNA 47:3

Pharao chun a unauhai kuoma chun, “Ieng sin am in thaw a?” a ti a. Anni chun Pharao kuomah, “I siehlawhai hi kan thlatuhai chenah berâm vêngtuhai kan nih,” an ti a.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

JOSUA 7:19

chu naupa Akan chu man a lo ni ta a. Josua chun Akan kuoma chun, “Ka naupa, Lalpa Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

1 SAMUEL 14:43

Chuongchun, Jonathan chunga chun a tlu ta a. Chun, Saula chun Jonathan kuoma chun, “Iengam a na i thaw mi hril raw khai?” a ta. Chun, Jonathan chun a hril a, “Ka hmawl chawi hmawrin khuoizu tlâwmte chu kân tem ngei el a, ngai ta, ka thi ngei ding a nih,” a ta.

1 SAMUEL 30:13

Chun, David chun a kuomah, “Tu mi am i na? Khâwlaia inthawka hung am i ni a?” a ta. Ama chun, “Aigupta ram tlangvâl, Amalek mi siehlaw ka na; chun, ni thum a ni ta a, ka dam naw leiin ka pu chun a mi mâksan el a nih.