JONA 1:6 - Pathien Lekhabu Inthieng (BSI)

⁶ Chuongchun, lawng hotu chu a kuoma chun a hung a, “Aw nang a inpa, iengtizie am a na? Tho la, i Pathien ko rawh, Pathien chun, ei bohmang nawna dingin a mi ngaituo rawi mawh,” a ta.

JONA 1:6 ပူးပေါင်းရင်းမြစ်များ

2 SAMUEL 12:22

Chun, ama chun, “Naupang kha a la dam lai khan bu dâm ka ngheiin ka ṭap luo a, ‘Naupang chu a dam theina dingin Lalpa chun a mi lunginsiet rawi mawh, tuin am hrieng ei ta?’ ka ti a na.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

INPÂKNA HLABU 107:6

Chu phingleh an buoinaa chun Lalpa chu an ko ta a, Ama chun an lunginzîngnaa inthawk chun a sanhim a.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

ISAI 3:15

mi rimsihai kuoma inthawka sum lâk chu in inah a ni a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

EZEKIEL 18:2

“Hi thuvar Israel rama in hmang, ‘Pahai chun grêp thûr an fâk ta a, nauhai hahai chu a ṭim,’ ti hi ieng tinâm a na?

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

JONA 3:8

mihriem le ranhai chun saiip puon sil lem hai sienla, nasatakin Pathien ko raw hai se, anih, mi tinin mâni lampui ṭha naw le, an kuta inpâwngnêkna chu nghatsan raw hai se.

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:11

Tulai thil umzie in hriet lei le, inhai ta dingin innaa inthawkin ṭhanghar a hun ta takzet ti in hriet leiin chu chu ka hril a nih; tuhin chu ei awi tîr lai nêk khan chu ei sandamna chu a hnai lem ta si a.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.