JONA 1:3 - Pathien Lekhabu Inthieng (BSI)

³ Nisienlakhawm, Jona chu Lalpa hmaa inthawka Tarsis-a tlân hmang dingin a tho ta a; chun, Joppa khuoah a zuk fe a, Tarsis khaw pan ding lawng a hmu a, chuongchun, a chuong man ding chu a pêk a, Lalpa hmaa inthawk chun Tarsis pan dinghai le fe dingin lawnga chun a lût thla ve ta a.

JONA 1:3 ပူးပေါင်းရင်းမြစ်များ

INṬANNA 3:8

Chun, Lalpa Pathien chu zântieng nisa deia huona a hung lêng chu an hriet a: chuongchun, Adam le a nuhmei chun huona thing lai chun Lalpa Pathien chu an lo inbîksan ta a.

INṬANNA 4:16

Chuongchun, Kaina chu Lalpa kuoma inthawk chu a suok ta a. Eden sak tienga Nod ramah a um ta a.

1 LALHAI 19:3

Chuongchun, a ṭi a, a tho a, a tlânse ta a, Judai rama Beer-seba khuo a va tlung a, chutaka chun a siehlaw chu a mâksan a.

1 LALHAI 19:9

Chun, chutaka pûk pakhat a va tlung a, chutaka chun a um ta a; chun, ngai ta, Lalpa thu a kuomah a hung tlung a, a kuomah, “Hitaka hin ieng am i thaw a, Elija?” a ta.

2 CHANCHIN SUINA 2:15

Tuhin bupui le buṭei le hriek le, uoin ka puin a hril ta kha, a siehlawhai kuoma hin hung thawn sienla,

2 CHANCHIN SUINA 2:16

pawimaw ding ang zât zât chu Lebanona inthawkin thing chu hung sât kan ta, tuipuiah Joppa chen hung tawl kan ta, chutaka inthawk chun Jerusalemah nangin lâng i ta,” tiin.

2 CHANCHIN SUINA 9:21

Huram siehlawhai le Tarsisa fe hlak lal chun lawnghai inkawppui a nei si a, kum thum dan peiah Tarsis lawnghai chu hungin rângkachak dâm, tangkaruo dâm, saiha dâm, zâwng dâm, ârâwn dâm a hung phur hlak a.

EZRA 3:7

Lung sut mihai le themthiemhai kuoma chun sum an pêk a; chun, Persia lal Kuraa inthawka phalna an nei ang peiin, Lebanona inthawka tuisuorieta Joppa chena Sidar thinghai an hung lâkna dingin, Zidon mihai le Tura mihai kuoma chun bu le dâwn ding le hriek dâm an pêk bawk a.

JOB LEKHABU (THE BOOK OF JOB) 1:12

Lalpa chun Setan kuoma chun, “Ngai ta, a thil nei po pohai chu i thuneina hnuoia um an nih; ama chunga chau chun i kut chu inlet naw rawh,” a ta. Chuongchun, Setan chu Lalpa hmâihmaa inthawk chun a fe suok ta a.

JOB LEKHABU (THE BOOK OF JOB) 2:7

Chuongchun, Setan chu Lalpa hmâihmaa inthawk chun a fe suok ta a, Job chu a kephaa inthawka a lusîp chenin khuoihli pânnain a hrem ta a.

INPÂKNA HLABU 107:23

Ṭhenkhat tuipuiah lawnglienhaia zu fein, Tuipui hrâttakhai chungah sum an dâwng a.

ISAI 2:16

Tarsis lawng lien po po chunga dâm, thil tehlêm ditum po po chunga dâm khawm la um a tih.

ISAI 23:1

Tura khaw phurrik chu. Tarsis lawng lienhai, khêk rak rak ro; in hrim hrim um naw khawp le lûtna hrim hrim um naw khawp rauin Tura chu suksietin a um ta hi, chu chu Kupra rama inthawk chun an kuoma suklangin a um a.

ISAI 23:10

Aw Tarsis naunu, Nile vadung angin i rama chun luong liem rawh; i kâwngkhitna hrim hrim a um ta naw hi.

ISAI 23:6

Tarsisah va kai unla; thlierkâra umhai, khêk rak rak ro.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

JEREMIA 10:9

Tangkaruo thlênghaia sut, Tarsisa inthawka hung lâkhai le, Uphaza inthawka rângkachak, themthiem le rângkachak thîrsu kuthai sinthaw chu: a dum pâwl le a dum êm chu an thuom dingin, mi themthiemhai kutsuok vawng an nih.

EZEKIEL 2:8

Nisienlakhawm, nang mihriem naupa, i kuoma ka hril chu ngai ta; chu sûngkuo hel hmang ang chun hel hmang ni ve naw la; i bau chu ka la, ka pêk che chu fa rawh,” a ta.

EZEKIEL 27:12

Hausakna tinrêng tam leiin Tarsis chu i sumdâwngtu a na; tangkaruo le, thîr le rângva le, suonin i chan dingin an sumdâwng a.

EZEKIEL 3:14

Chuongchun, thlarau chun a mi dawm kâng a, a mi lâk hmang ta a; lungawilotak le lunginsen êm êmin ka fe ta a; chun, Lalpa kut chu ka chunga chun a hrât hle a.

JONA 1:10

Chun, mihai chun an ṭi nasa ta êm êm a, a kuoma chun, “Ieng am i lo thaw an leh?” an ti a; a hril ta lei chun mihai chun Lalpa hmaa inthawkin a tlân hmang a nih ti an hriet ta a.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

LUKA 9:62

Isûn a kuomah, “Tukhawm hnuoi inletnaa kut innghata, hnung tieng ngha chu Pathien rama mi ni tlâk a ni nawh,” a ta.

THILTHAWHAI 15:38

Pamphulia ramah anni a kîr san a, sinthawnaa an kuoma a fe ve ta naw lei khan.

THILTHAWHAI 26:19

“Chuleiin, lal Agrippa, vâna mi inlâr chu ka sêl naw a,

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hle a.

THILTHAWHAI 9:38

Chun, Ludda khuo chu Joppa khaw kâwl a ni leiin, inchûktirhai chun Peter chutaka chun a um ti an hriet a, “Sâwt riel lovin kan kuomah hung rawh,” tia ngên dingin a kuomah mi pahni an tir a.

THILTHAWHAI 9:42

Chun, chu chu Joppa khuo po po chun an hriet ta vawng a; mi tamtakin Lalpa chu an ring ta a.

THILTHAWHAI 9:43

Chun, Peter chu ni tamtak Joppa khuoa Simon, savun siemtu inah a châm zing a.

1 KORINTH 9:16

Chanchin Ṭha hril lang khawm suong ding hrim hrim ka nei si naw a; thaw mâkmaw ka chungah ân nghat a ni si a; Chanchin Ṭha hril naw lang ka chung a rik ding a ni si a.

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bohmangna chu;

JOSUA 19:46

Me-jarkon, Rakkon, Joppa dep ramhai le khan an nih.