JONA 1:17 - Pathien Lekhabu Inthieng (BSI)

¹⁷ Chun, Lalpa chun Jona lem dingin nga lientak a lo ruot ta a; chu nga sûnga chun Jona chu ni thum le zân thum a um a.

JONA 1:17 ပူးပေါင်းရင်းမြစ်များ

INṬANNA 1:21

Chuongchun, Pathienin tuipuia thilhring lientak takhai chu a siem a, thilsiem hringna nei le chângthei tinrêng tuiin a insuo ṭeuhai chu anni chi um dân ding ang sengin a siem bawk a, vate thla nei tinrêng khawm anni chi um dân ding ang sengin a siem a: Pathienin chu chu a en a, ṭha a ti hle a.

JONA 2:10

Chun, Lalpa chun nga chu a biek a, Jona chu khawmuolah a luok suok ta a.

JONA 4:6

Chun, Lalpa Pathien chun ûm a lo ruot a, chu chu Jona chunga chun ân zâmtir a, a rinumnaa inthawka sansuok dinga a lu zâr hlietu dingin. Chuongchun, Jona chu ûm lei chun nasatakin a lâwm ta a.

HABAKKUK 3:2

Aw Lalpa, i ṭawng ka hriet a,ka ṭi ta a; Aw Lalpa, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

MATTHAI 16:4

Ruolthar suol tak le uire hmanghai chun inchikna an zawng a; nisienlakhawm, Jona inchikna chau naw chu an kuomah inchikna hrim pêk ni naw ni,” a ta, a dawn a. Chun, anni a fesan a, a fe ta dai a.

LUKA 11:30

Jona chu Ninevi khuoa mihai ta dinga inchikna a lo ni ang khan, Mihriem Naupa khawm tulai ruoltharhai ta ding hin inchikna la nîng a tih.