10 Chun, mihai chun an ṭi nasa ta êm êm a, a kuoma chun, “Ieng am i lo thaw an leh?” an ti a; a hril ta lei chun mihai chun Lalpa hmaa inthawkin a tlân hmang a nih ti an hriet ta a.
Chun, Joab chun lal kuomah, “Lalpa i Pathien chun mipuihai sukpungin, ieng zâta tam khawm, a lêt za khawm, lalpa ka pu a hin hmu hman raw se; nisienlakhawm, lalpa ka pu chun chu chu iengdinga hriet ân hâwk am a ni leh?” a ta.
Nisienlakhawm, Jona chu Lalpa hmaa inthawka Tarsis-a tlân hmang dingin a tho ta a; chun, Joppa khuoah a zuk fe a, Tarsis khaw pan ding lawng a hmu a, chuongchun, a chuong man ding chu a pêk a, Lalpa hmaa inthawk chun Tarsis pan dinghai le fe dingin lawnga chun a lût thla ve ta a.
Chun, Josua chun, “Iengdinga i mi suklungzîng am a na? Lalpa chun nang khawm vawisûn hin a suklungzîng ve ding che a ni hi,” a ta. Chuongchun, Israelhai po po chun ama chu lungin an dêng a; chun, ama chu meiin an raw a, lungin an dêng bawk a.