JOHAN 4:14 - Pathien Lekhabu Inthieng (BSI)

¹⁴ tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 4:14 ပူးပေါင်းရင်းမြစ်များ

ISAI 49:10

An phîngṭâmin dangchâr naw ni hai a; lumin sukrinumin nisain em bawk naw ni; anni lunginsiettu chun a ṭhuoi ding a ni si a; tuihnâr kâwlahai ngei chun a ṭhuoi ding a nih.

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe lovin, a man khawm pe lovin inchaw ro.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

EZEKIEL 47:9

Chun, thilhring tinrêng vadungpuihai fena tieng tienga hung inkhâwmhai chu hring an tih; chun, nga tamtak el hung um an ta; chuongchun, vadungpui luongna phawta tuipui tuihai ân thiengna ding le thil tinrênghai an hring theina dinga hung luong an nih.

LEVI DÂN 11:36

Amiruokchu, tuikhur amanih, tuibêl amanih, tui intling khâwm amani chu pawrche naw ni a, an ruongin a itâwk taphawt ruok chu zântieng chenin inthiengnaw nîng a tih.

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

MATTHAI 5:6

“Felnaa phîngṭâma dangchârhai chu an hamṭha; an la tlai ding a ni si a.

JOHAN 10:10

Inruhmang chu, inru ding le, sukhlum ding le sukse ding naw chun a hung nawh; kei chu hringna an neina dingin, tamtaka an neina dinga hung ka nih.

JOHAN 11:26

tukhawm a hring taphawt a mi ring chu kumkhuoin thi naw nih; chu thu chu i ring am?” a ta.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:11

Chun, nuhmei chun a kuomah, “Pu, khaina iengkhawm i nei si naw a, tuisunsuo ân thûk vei leh, khâwlaia inthawkin am tui hring chu i hmu a?

JOHAN 4:13

Chun, Isûn a dawn a, a kuomah, “Tûkhawm hi tui dâwn taphawt chu an dang châr nâwk a tih;

JOHAN 4:36

A sîktu chun hlaw a hmu hlak a, chatuona hringna chena um dingin ra a sîk hlak, a tutu le a sîktu an lâwm rêl theina dingin.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

JOHAN 6:35

Chun, Isûn an kuomah, “Kei hi hringna bei chu ka nih, tûkhawm ka kuoma hung chu phîngṭâm naw ni, tûkhawm a mi ring chu iengtika khawm dangchâr naw ni.

JOHAN 6:58

Hi hi vâna inthawka bei hung ṭum chu a nih, chi thlatuhaiin bei an fâk ang kha a ni nawh, anni chun an fâka, an thi ta a; tûkhawm hi bei hi fa chu chatuonin hring zing a tih,” a ta.

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:21

suol chun thinain ro a rêl ang takin, lunginsietna chun, felnain kumkhaw hringna changna khawp hielin ei Lalpa Isu Krista zârah ro a rêl theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:23

Suol man chu thina a ni si a; Pathien thilthlâwnpêk ruok chu ei Lalpa Krista Isu zârah chatuona hringna a nih.

2 KORINTH 1:22

ama chu a mîn chiktu le ei lungrila zakhamna thlarau mi petu a ni bawk a.

EPHESI 4:30

Chun, Pathien Thlarau Inthieng chu suklungngai naw ro, intlanna nia dingin amaa chun inchika in um kha.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 7:16

An phîng ṭâm ta naw ni a, dangchâr ta bawk naw ni hai; nisain em naw ni a, lum hrim hrim khawmin sukrinum ta bawk naw nih.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.