JOHAN 16:19 - Pathien Lekhabu Inthieng (BSI)

¹⁹ Chun, ama indawn an nuom ti Isûn a hriet a, an kuomah, “ ‘Sâwt nawtêah nangnîn kei mi hmu naw ti niu, sâwt nawtêa bawk nangnîn kei mi hmu nâwk in tih,’ tia hi ka thu hril hi in indawn maw?

JOHAN 16:19 ပူးပေါင်းရင်းမြစ်များ

MATTHAI 6:8

Chuongchun, anni angin um naw ro; ama in hni hmain in Pa chun ieng ieng am in pawimaw ti chu a hriet zing a nih.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

MARKA 9:32

Nisienlakhawm, a thu hril chu a ngaina an hriet naw a; ama hlak chu an indawn ngam si naw a.

JOHAN 13:33

Nauhai, sâwt nawtê in kuomah ka la um hri hi, nangnîn mi zawng in ta; chun, Judahai kuoma, ‘Ka fena dingah hung thei naw ti niu,’ ti ka hril ang khan, tuhin chuong ang bawk chun in kuomah ka hril hi.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 16:16

“Sâwt nawtêah nangnîn kei mi hmu naw ti niu a, sâwt nawtêa bawk nangnîn kei mi hmu nâwk in tih,” a ta.

JOHAN 16:18

Chun, anni ma chun, “Hi hi ieng am a na? ‘Sâwt nawtê,’ a ti hi. A thu hril hi a ngaina ei hriet nawh,” an ta.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 16:26

Chu ni chun keia hmingin thil hnîng in ta, chun, ‘Pa kuomah keiin ngên pêk ka ti cheu,’ ka ti naw cheu a,

JOHAN 16:30

Nangin iengkim i hriet a, tukhawm indawn che i ngai nawh ti tuhin kan hriet tah; hi hi lei hin Pathien kuoma hung suok i ni ti kan awi ie,” an ta.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

JOHAN 6:61

Chuongchun, chu thua chun a închûktirhai an chier ti Isûn a lungrilin a hriet a, an kuomah, “Hi thu hin a suklungninaw cheu am a nih?

JOHAN 7:33

Chun, Isûn “Sâwt nawtê in kuomah la um hri phawt ka ta, chun a mi tirtu kuomah fêng ka tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.