JOHAN 14:27 - Pathien Lekhabu Inthieng (BSI)

²⁷ “Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 14:27 ပူးပေါင်းရင်းမြစ်များ

2 CHANCHIN SUINA 20:30

Chuongchun, Jehosaphat ram huop sûng chu a re ṭawk ṭawk a; a Pathien chun a vêl po poa chun râlmuongna a pêk si a.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

INPÂKNA HLABU 11:1

Lalpaa chun ka ringna kân nghat hlak a, Iengtiziea ka hringna kuoma hin, “In tlânga chun vate angin vuong hmang ro,” in ti?

INPÂKNA HLABU 112:7

Chanchin ṭha nawtakhai ṭi naw ni a, Lalpa chu ringin a lungril chu a det a nih.

INPÂKNA HLABU 27:1

Lalpa chu ka var le ka sandamna a nih, tu am ṭîng ka ta? Lalpa chu ka hringna kulbîng a nih; tu am ṭîng ka ta ?

INPÂKNA HLABU 28:3

Mi rilohai le thil suksuolhai laia chun, Mi hnûkhmang sa naw rawh. Chuonghai chun an vênghai kuomah inremnna thu an hril hlak a, Nisienlakhawm, an lungrilhaia chun thil suksuolna a um zing si a.

INPÂKNA HLABU 29:11

Lalpa chun a mihai kuomah hrâtna pêng a ta, Lalpa chun a mihai chu thlamuongnain malsâwm a tih.

INPÂKNA HLABU 56:11

Pathien ka ring a, ṭi naw ningah, Mihriemin ieng am mi law thei an ta?

INPÂKNA HLABU 56:3

Ka ṭit châng po leh, Nangmaah ka ringna kân nghat a;

INPÂKNA HLABU 72:2

I mihai chu felnain ro rêlpêk a ta, I mi rimsihai chu rorêlna felin ro rêlpêk a tih.

INPÂKNA HLABU 72:7

A dam lai chun mi felhai chu inno hlut hlut an ta, Thla um naw hma khat chun, lungmuongna nasatak um a tih.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 91:5

Zâna thil râpthlâk chu ṭî naw ti ni a, Sûna thal hung inlêng hlak chu ṭî bawk naw ti nih.

THUVARHAI 3:25

Ṭina thut chu ṭi naw la, Mi khawhlo sukṭitna a hung pha khawm ṭi bawk naw rawh.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 55:12

Hlimtaka suokin, lungmuongtaka ṭhuoi suokin in um ding a ni si a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 1:8

Anni lei chun ṭi naw la, Nang chu sanhim ding chein i kuomah ka um si a; Lalpa chun a tih,” tiin.

ṬAP HLA 3:17

Nangin ka thla chu thlamuongnaa inthawka hlataka chun i sie hmang a; hlawtlingna khawm ka theinghil rau a.

EZEKIEL 2:6

Chun, nang mihriem naupa, anni chu ṭi naw la, hlo hlingnei le buorhai i kâwla chun umin, ainuvêt laia chun chêng la khawm, an thuhai chu ṭi chuong bawk naw la; sûngkaw hel hmang ni hai sien khawm an thuhaia chun ṭi naw la, an hmêl enin beidawng bawk naw rawh.

DANIEL 4:1

Lal Nebukadnezzar chun, Mi po po, hnam po po, ṭawng tinhai le hnuoi chunga chêng taphawthai kuoma chun, in kuomah inremna hi sukpungin um raw se.

DANIEL 6:25

Chun, lal Daria chun hnuoi chung po poa chêng mi po po le ṭawng tinrênghai kuoma chun lekha a ziek tah a, “In kuomah inremna sukpungin um raw se.

ZEKARIA 6:13

Lalpa biekin ngei chu hung bâwl a tih; ama chun ropuina chu khum a ta, a lalṭhungphaa ṭhungin ro rêl a tih; a lalṭhungpha chunga chun thiempu nîng a ta, an pahnia inkâra chun inremna thurêl chu um a tih,’ tiin.

NAMBAR 6:26

Lalpa chu nangni tieng hung ngha sienla, lungmuongna pe raw se cheu, ti ro,’ tiin hril rawh.

MATTHAI 10:26

“Chuongchun, anni chu ṭi naw unla; inlang lo dinga thup hmang iengkhawm a um si naw a; hriet naw dinga ip iengkhawm a um bawk nawh.

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

LUKA 10:5

Chun, in in lûtna taphawtah a hmasatakin, ‘Hi ina hin thlamuongna tlung raw se,’ ti ro.

LUKA 12:4

Chun, ka ruolhai, ka hril cheu hi, taksa sukhluma, chu hnunga iengkhawm thaw nâwk thei ta nawhai chu ṭi naw ro.

LUKA 2:14

“A chunghnungtakah Pathien ropuitakin um raw se, hnuoi chunga a ditsak mihriemhai kuomah, inremna thu inlêng raw se.” an ti a.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

JOHAN 20:19

Chun, chu ni, ni saria ni hmasatakah, khuo a hung inhnu chun, Judahai ṭi leia inchûktirhai umna kawtkhârhai chu khâr a ni hnungin, Isu anni lai a hung ngîr a, an kuomah, “In chungah thlamuongna um raw se,” a ta.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

JOHAN 20:26

Chun, ni riet hnungah, a inchûktirhai chu in sûngah an um nâwk a, Thoma khawm an kuomah a um ve a. Chun, Isu a hung a, kawthai chu khâr a ni si a, anni lai a hung ngîr ta a, an kuomah, “In chungah thlamuongna um raw se,” a ta.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

THILTHAWHAI 18:9

Chun, zânah Lalpain Paula kuoma chun mang angin, “Ṭi naw la, to lovin thu hril pei rawh,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se..

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:6

Thlarau tieng thil dit ruok chu hringna le lungmuongna a nih;

1 KORINTH 1:3

Pathien ei Pa le Lalpa Isu Krista kuoma inthawkin lunginsietna le inremna in kuomah um raw se.

GALATI 1:3

Pa Pathien le ei Lalpa Isu Krista kuoma inthawkin lunginsietna le inremna in kuomah um raw se:

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

GALATI 6:16

Chun, chu dân anga um taphawthai chunga chun inremna le lunginsietna um raw se, Pathien Israelhai chunga khawm.

PHILIPPI 4:7

Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.

KOLOSSA 1:2

Kolossaa Kristaa mi inthienghai le unau ringumhai kuoma chun, Pathien ei Pa kuoma inthawka lunginsietna le inremna in kuomah um raw se.

KOLOSSA 1:20

a kraws thisen chun inremna hung siemin, amaa chun iengkim, ama ngeia chun hnuoia thil umhai le vâna thil umhai khawm, ama le inremtir hi.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

2 THESSALONIKA 1:2

Pa Pathien le Lalpa Isu Krista kuoma inthawka lunginsietna le inremna in kuomah um raw se.

2 THESSALONIKA 3:16

Chun, inremna Lalpa ngei chun kumkhuoin kawng tinrêngah inremna pe raw se cheu.

2 TIMOTHE 1:7

Pathienin ṭitna thlarau a mi pêk naw a, thilthawtheina le hmangaina le lungril feltak neina thlarau a mi pêk lem a ni si a.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

HEBRAIHAI 7:2

Ama chu Abrahamin iengkim sâwma pakhat a pêk a. A hming umzie chu a hmasatakah Felna Lal a na, a dawtah Salem lal a ni bawk a, chu chu Remna Lal tina a nih.

THUPUONGSUO 1:4

Johan chun: Asia rama kohran pasarihai kuoma chun: Um zing le um ta le hung um ding kuoma inthawk dâm, a lalṭhungpha hmaa thlarau pasari umhai kuoma inthawk dâm,

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.