JOHAN 14:20 - Pathien Lekhabu Inthieng (BSI)

²⁰ Chu nia chun kei ka Paa ka um dâm, nangni keimaa in um dâm, kei nangnia ka um dâm hre tâng in tih.

JOHAN 14:20 ပူးပေါင်းရင်းမြစ်များ

JOHAN 10:38

Amiruokchu, thaw ka ni chun, kei mi ring naw unla khawm, sinthawhai bêk hi ring ro; Pa keimaah a um ti le, kei Paah ka um ti in hriet a, in ringna dingin,” a ta, a dawn a.

JOHAN 14:10

Kei Paa ka um le, Pa keimaah a um ti in awi naw a ni? In kuoma thu ka hril hi keia phuokfâwmin ka hril nawh; Pa keimaah a um zing a, a thil a thaw lem hlak a nih.

JOHAN 14:11

Kei Paa ka um le keimaa Pa a um ti hi mi ring ro; annawleh, thilthaw lei bêk hin mi ring ro.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 16:26

Chu ni chun keia hmingin thil hnîng in ta, chun, ‘Pa kuomah keiin ngên pêk ka ti cheu,’ ka ti naw cheu a,

JOHAN 17:11

Chun, kei chu khawvêlah um ta naw ning, hienghai hi chu khawvêlah um an tih, kei chu i kuomah ka hung ding a ni tah. Pa Inthieng, anni chu I hmingin hum rawh, I hming mi pêk khan, eini ang bawka pumkhat an ni theina dingin.

JOHAN 17:26

Chun, an kuomah i hming kân hriettir a, inhriettir nâwk rawp ka tih; nangin kei i mi hmangaina kha anniah a um a, kei khawm annia ka um theina dingin,” a ta.

JOHAN 17:7

Nangin thil i mi pêk po po, i kuoma inthawka suok an nih ti tuhin an hriet tah.

JOHAN 6:56

Tûkhawm ka taksa faa, ka thisen dâwn chu, keimaah a um zing hlak, kei khawm amaah ka um zing hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:7

Ka chipui Andronika le Junia kân tângpuihai kha chibai mi bûkpêk ro; anni chu tirkohai laia hming inthang an na, keia nêka Kristaa um hmasa lem an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:1

Chuongchun, tuhin chu Krista Isua umhai ta ding chun thiemnaw inchangtirna hrim a um ta nawh.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 12:2

Kristaa mi pakhat ka hriet, ama chu kum sâwm le pali a ni ta a, (taksain amanih a um ka hriet nawh, taksa lovin amanih a um ka hriet bawk naw a, Pathienin a hriet) vân thumna meua khin zuk lâkin a um a.

2 KORINTH 13:5

Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

2 KORINTH 5:19

khânga, Pathienin Kristaa chun khawvêl hi ama le inremin a siem a, an bawsietnahai chu bawsietnaa ruot pêk lovin, inremna thu a mîn kawltir kha.

GALATI 2:20

Krista kuomah hemdein ka um tah. Nisienlakhawm, ka hring a nih, kei ruok chu ka ni ta naw a, Krista chu keimaah a hring lem a nih; chun, tuta taksaa ka hring hi ringnaa hring ka nih, Pathien Naupa, mi lunginsiettu, ka aia inpetu ringnaa chun.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni si a, chu thil ṭha thaw chu ei umna dingin Pathienin a buotsai lâwk a nih.

KOLOSSA 1:19

Pa lungni zâwngtak chu hi hi a ni si a: Pathien famkimna tinrêng chu amaa a um zing le,

KOLOSSA 1:27

Chuonghai kuoma chun Jentailhai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 2:9

Amaa chun Pathien famkimna tinrêng chu taksa neiin a um zing si a.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.