JOHAN 13:33 - Pathien Lekhabu Inthieng (BSI)

³³ Nauhai, sâwt nawtê in kuomah ka la um hri hi, nangnîn mi zawng in ta; chun, Judahai kuoma, ‘Ka fena dingah hung thei naw ti niu,’ ti ka hril ang khan, tuhin chuong ang bawk chun in kuomah ka hril hi.

JOHAN 13:33 ပူးပေါင်းရင်းမြစ်များ

JOHAN 13:36

Simon Peterin a kuomah, “Lalpa, khâwlai am i fe ding a na?” a ta. Isûn, “Ka fena dingah nangnîn tuhin mi zui thei naw ti niu; nakie pha ruok chu mi zui in tih,” a ta, a dawn a.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 14:2

Ka Pa inah umna tamtak a um a, a um naw chun ka hril ta ding cheu a nih; in ta dingin hmun siemin ka fe ding a nih.

JOHAN 7:36

‘Nangnîn mi zawng in ta, mi hmu si naw ti niu a; ka umnaa khawm hung thei naw ti niu,’ a ti hi, ieng a tina am a na?” an ta.

GALATI 4:19

Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 JOHAN 5:21

Nauhai, milima inthawkin in siekieng ro.