JOHAN 12:35 - Pathien Lekhabu Inthieng (BSI)

³⁵ Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:35 ပူးပေါင်းရင်းမြစ်များ

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

ISAI 2:5

Aw Jakob sûnghai, hung unla, Lalpa vara hin lêng ei tiu khai.

JEREMIA 23:12

Chuleiin, an lampui chu an ta dingin inthim laia hmun innâltak ang chu nîng a ta; hnawtin um an ta, chutaka chun tlûng an tih, an chunga chun thil ṭha naw, anni hremna kum ngei chu ka hung intlungtir ding a ni si a, Lalpa chun a tih.

LUKA 18:37

Chun, anni chun Nazareth Isu a fe a nih ti an hril a.

JOHAN 11:10

Amiruokchu, mi zânah a lêng chun a pêm hlak, amaa chun var a um naw leiin,” a ta, a dawn a.

JOHAN 11:9

Isûn, “Sûnah dârkâr sâwm le pahni a um naw am a nih? Mi sûnah a lêng chun a pêm ngai nawh, hi khawvêl var hi a hmu leiin.

JOHAN 12:36

Var in nei sûng hin var hi ring ro, var nauhai in hung ni theina dingin,” a ta. Chuong thu chu Isûn a hril a, chun, a fe a, an hmu naw dingin ân bihmang a.

JOHAN 12:46

êntu dinga khawvêla hung ka nih, a mi ring taphawt chu inthima an um zing nawna dingin.

JOHAN 16:16

“Sâwt nawtêah nangnîn kei mi hmu naw ti niu a, sâwt nawtêa bawk nangnîn kei mi hmu nâwk in tih,” a ta.

JOHAN 7:33

Chun, Isûn “Sâwt nawtê in kuomah la um hri phawt ka ta, chun a mi tirtu kuomah fêng ka tih.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

2 KORINTH 3:14

An lungril ruok chu sukngarin a um ta lem a; vawisûn chen khawm hin thuthlung hlui chu an tiemin inkhumna pângngai chu hlîm lovin a um zing si a; chu inkhumna chu Kristaa chun sukboin a um ta a.

GALATI 6:10

Chuongchun, remchâng hun ei nei ang peiin mi po po kuomah thil ṭha chu thâwng ei tiu, ringna sûnghai laia mi chungah thaw bîk tak ei tiu.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,