JOHAN 12:3 - Pathien Lekhabu Inthieng (BSI)

³ Chun, Mariin bûk zâtve Spiknard hriek rim inhnik totak a hung chawi a, Isu kehai a nâl a, a samin a kehai chu a hrûk a; chuongchun, chu hriek rim chun in chu a sip rum rum el a.

JOHAN 12:3 ပူးပေါင်းရင်းမြစ်များ

INPÂKNA HLABU 132:2

Lalpa kuoma ṭawng inkhâma, Jakob Mi Hrât kuoma thu a tiemzie kha:

THUVARHAI 27:16

Tukhawm amanu thuptu chu thli thup a na, A kut changtiengin hriek ân suolpui a nih.

HLAHAI HLA 1:12

Lal chu a ṭhungnaa a ṭhung lai chun, Ka spiknard chun a riminhnik a tirsuok a.

HLAHAI HLA 1:3

I hriekhai chun rim inhnikna tak a nei a; I hming chu hriek bun suok ang a nih; Chuleichun, nunghâkhaiin an hmangai che a nih.

HLAHAI HLA 4:10

I hmangaina chu a vân hawi ngei, ka farnu, ka mo! I hmangaina chu uoin nêkin a va ṭha lem nasa de! Riminhnik chi po pohai nêkin i hriek rim chu a vân hnik ngei!

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 7:46

Nangin ka luah hriek i mi nâl nawh; ama ruok hin chu ka kepha hriek rim inhnik a nâl.

JOHAN 11:2

(Mari, hriek rim inhnik Lal chu nâla, a sama a ke hrutu kha, kha minu ṭapa Lazar a nih dam naw chu.)

JOHAN 11:28

Chun, chu thu chu a hril zo phingleh a fe a, a zuorpuinu Mari chu arûkin a va ko a, “Inchûktirtu hitakah a um a, a ko che,” a ta.

JOHAN 11:32

Chun, Mari chun Isu umna chu a va tlung a, a hmu phingleh a ke bulah a bawkkhup a, a kuomah, “Lalpa, hitaka um ni la chu ka ṭapa a thi naw ding bah,” a ta.

JOHAN 19:39

Chun, Nikodem, (a tîra zâna a kuoma hung khan,) murra le aloe inpawlsa bûk sâwmnga lai chawiin a hung ve a.