JOEL 1:9 - Pathien Lekhabu Inthieng (BSI)

⁹ Beiphit inhlân dâm, dâwn ding inhlân dâm chu Lalpa ina inthawka sukbo a na, thiempu Lalpa rawngbâwltuhai chu an lungngai a.

JOEL 1:9 ပူးပေါင်းရင်းမြစ်များ

2 CHANCHIN SUINA 13:10

Amiruokchu, keini chu Lalpa chu kan Pathien a na, ama chu kan nghatsan naw a; Lalpa ta dinga rawngbâwltu thiempu kan neihai chu Aron naupasalhai an na, Levi chihaiin an ṭhangpui a;

FESUOKNA 28:1

“I unaupa Aron hi Israel mihai laia inthawkin ama le a naupasalhai hi, thiempu sina ka hmaa rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah hung ṭhuoi rawh.

ISAI 61:6

Nangni ruok chu, “ Lalpa thiempuhai,” tia inbûkin um in tih: mihaiin, “Ei Pathien rawngbâwltuhai, ” tîng an ti cheu a; hnam tin sum fâng in ta, an ropuina chu insuong phâng in tih.

ṬAP HLA 1:16

Hieng thilhai lei hin ka ṭap a; ka mit chu tuiin a luongthla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um ta a.

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

HOSEA 9:4

Lalpa kuomah uoin chu bun suok nâwng an ta, An thilinhlânhai chu a ta dingin lâwmum ni bawk nâwng a tih; An bei chu lusûnhai bu ang nîng a ta, A fa taphawthai chu sukpawrche nîng an tih. An bei chu an hringna ta ding chau nîng a ta, Lalpa inah hunglût naw nih.

JOEL 1:13

Nangni thiempuhai, saiip puon dierkei unla, ṭap ro; nangni maichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhawvârin zâl ro: in Pathien ina inthawk chun beiphit inhlân le dâwn ding inhlân chu khap a ni si a.

JOEL 1:16

Ei mithmua fâk ding sukbo a ni naw am a nih? Anih, ei Pathien ina inthawka hlimna le lâwmna leh?

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

JOEL 2:17

Thiempu, Lalpa rawngbâwltuhai chu, tuolpûk le maichâm inkâra chun ṭap sienla, “Aw Lalpa i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.