JOB LEKHABU (THE BOOK OF JOB) 8:8 - Pathien Lekhabu Inthieng (BSI)

⁸ Kum hluihai chu ngaituo ta, ka ngên che hi; An thlatuhaiin an zawng suok anga chun nang khawm inbel ve rawh.

JOB LEKHABU (THE BOOK OF JOB) 8:8 ပူးပေါင်းရင်းမြစ်များ

2 CHANCHIN SUINA 10:6

Chun, Rehoboam chun mi upahai, a pa Solomon damlaia a hmaa ngîr hlakhai chu, “Hi mipuihai hi dawn kirna dingin ieng thurâwn am in mi pêk a,” tiin, a râwn a.

JOB LEKHABU (THE BOOK OF JOB) 12:12

Upaa chun varna a um a, Nihai sâwtah hrietthiemna a um bawk a.

JOB LEKHABU (THE BOOK OF JOB) 13:1

“Ngai ta, hi po po hi ka mit chun a hmu a nih, Ka na chun a hriet a, a ngâina khawm ka hriet tah.

JOB LEKHABU (THE BOOK OF JOB) 15:10

Ei kuoma hai hi lu inṭuok, mi upatak ve ve, I pa nêka nasataka upa ve ve an nih.

JOB LEKHABU (THE BOOK OF JOB) 15:18

Mi varhaiin an ihril, An pahaiin an kuoma an ip ngai naw;

JOB LEKHABU (THE BOOK OF JOB) 20:4

Tienlaia hi thil hi i hriet naw a ni maw, Mihriem chu hnuoi chunga sie a nia inthawk tah,

INPÂKNA HLABU 44:1

Aw Pathien, tienlaia an dam laia i thilthawhai kha. Kan thlatuhaiin an mi hril, kan nain kan hriet,

ISAI 38:19

Mi hringin, mi hringin, anni ngei chun vawisûna ka thaw ang hin inpâk an ti che; Pa chun a nauhai kuomah i thutak chu inhriettir a tih.

JOEL 1:2

Tarsiehai, hi hi hre unla, hi rama um po pohai, na lo sit ro.Hi in hun lai le in puhai hun laia khawm a um ta hlak am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai taphawt chu eini inchûktirna dinga ziek an ni si a.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

DÂN PAHNINA 32:7

Kha hma nihai kha hre zing la, Suon tamtak kumhai chu ngaituo ro: I pa indawn la, khîkhmûng a che; I upahai khawm, hril an ti che.

DÂN PAHNINA 4:32

“In pieng hma, kha hma tieng kha hang ngaituo unla, leihnuoia Pathienin mihriem a siema inthawk vânkhuphnuoia hieng anga thil ropui hi a um hlakin, hriet khawm a ni hrim hlak am chu?