JOB LEKHABU (THE BOOK OF JOB) 7:21 - Pathien Lekhabu Inthieng (BSI)

²¹ Iengdinga ka bawsietna hi i ngaidam naw a, Ka rîtlona hi i lâk hmang naw? Tuhin pilvut lai ka zâl el ding an ta si a; Ngûntakin mi zawng i ta, nisienlakhawm, um ta naw ningah,” tiin.

JOB LEKHABU (THE BOOK OF JOB) 7:21 ပူးပေါင်းရင်းမြစ်များ

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun Lalpa kuomah, “Ka thilthawa hin nasatakin ka lo suol tah a nih; nisienlakhawm, tuhin aw Lalpa, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

JOB LEKHABU (THE BOOK OF JOB) 10:14

Ka lo suol chun, nangin i mîn chik a, Ka khawhlonaa inthawk chun thiem i mîn changtir ngai nawh.

JOB LEKHABU (THE BOOK OF JOB) 10:9

Hi hi hre zing rawh, ka ngên che hi, nang chun pilpawk angin i mi lo siembâwl ta a, Pilvuta bawk i mi ṭhuoi nâwk el ding a ni maw?

JOB LEKHABU (THE BOOK OF JOB) 13:19

Tuin am mi sêl a ta? Tuhin to ṭawk ka ta, ka thlarau kân thla ding a ni si a.

JOB LEKHABU (THE BOOK OF JOB) 14:10

Nisienlakhawm, mihriem chu a thi a, a rîral ta a; Anih, mihriem chun a thlarau ân thla a, khâwlai am a um ta leh?

JOB LEKHABU (THE BOOK OF JOB) 17:14

Khur kuoma chun, ‘Ka pa i nih’ ka ti a, Nge kuoma chun, ‘Ka nu le ka farnu i nih’ ka ti bawk chun,

JOB LEKHABU (THE BOOK OF JOB) 20:8

Mang ang elin vuong hmang a ta, hmu ruol ni ta naw ni, Anih, Zâna mitthlaa thilhmuhai ang el chun hnawt hmang ni tâng a tih.

JOB LEKHABU (THE BOOK OF JOB) 27:19

Mi hausa zâlin a zâl a, amiruokchu, chuong chu ni sawng naw ni, A mithai a hang meng a, a hausakna chu a um ta naw a.

JOB LEKHABU (THE BOOK OF JOB) 3:13

Tuhin zâlin to riem riem tâng ka ta, in ka ta, Sâwldamin ka um ta ding bah:

JOB LEKHABU (THE BOOK OF JOB) 33:9

‘Bawsietna nei lovin kân thieng a nih, Pawitâwklo ka na, keimaa hin rîtlona hrim a um bawk nawh,

JOB LEKHABU (THE BOOK OF JOB) 7:8

Mit a mi hmutu khan mi hmu ta naw ni a; I mithaiin mi hung en a ta, nisienlakhawm, um ta naw ning.

JOB LEKHABU (THE BOOK OF JOB) 8:1

Bildad Suhi mi chun a dawn a, a hril ta a:

JOB LEKHABU (THE BOOK OF JOB) 9:28

Ka lungngainahai po po chu ka ṭi a, Nang chun pawitâwkloah mi sie naw ti ni ti ka hriet si a.

INPÂKNA HLABU 103:15

Mihriem chu, a dam sûng nihai chu hlobet ang a na, Phûl pâr ang hin a vul hlak a.

INPÂKNA HLABU 37:36

Nisienlakhawm, lampuiah a va fe a; chun, ngai ta, ama chu a um ta naw a. Anih, ka zawng a, nisienlakhawm, hmu zo a ni ta nawh.

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

ISAI 26:19

I mithihai chu hring nâwk an ta, an ruonghai chu tho nâwk an tih. Pilvuta umhai, har unla, hlimtakin hla sak ro, i daidâw chu thlaihai daidâw ang a na, hnuoi hin mithihai chu a pei suok ding a ni si a,” ti hi.

ISAI 64:9

Aw Lalpa, lunginsen talaw naw la, khawhlonahai khawm kumkhawtluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

HOSEA 14:2

Thu chawi pumin Lalpa kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

JOHAN 1:29

Chun, a zînga chun Johanin Isu a kuoma hung ding a hmu a. Chun, a hril a, “En ta u, Pathien Berâmte khawvêl suol fepuitu ding saw!

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.