JOB LEKHABU (THE BOOK OF JOB) 7:11 - Pathien Lekhabu Inthieng (BSI)

¹¹ “Chuleiin, ka bau hi insûm naw ning a, Ka thlarau thuokdawng hin thu hril ka tih; Ka lungril rimsiknaa hin sawisêl ka tih.

JOB LEKHABU (THE BOOK OF JOB) 7:11 ပူးပေါင်းရင်းမြစ်များ

INṬANNA 42:21

Chun, anni chun, “Ei sangpa chunga ei thilthaw kha ei thiemnaw tak tak a ni hi, lunginsiet dinga a mi ngên ṭâwk ṭâwk laia, a lungril lunginzîngzie hre zing sia ei ngaipêk nuom naw kha: chuleiin, hi lunginzîngna hin a mi hung nel ve a ni ta hi,” an in ti a.

JOB LEKHABU (THE BOOK OF JOB) 10:1

“Ka thlâ hin ka hringna hi a nghawk a; Ka nuom tâwkin sawisêl ka tih, Ka lungril rimsiknain thu hril ka tih.

JOB LEKHABU (THE BOOK OF JOB) 10:15

Mi rilo ka ni chun, ka chung a rik a! Mi fel ni lang khawm ka lu ling naw bawk ka tih, Muolphonain ka sip a, ka tuornahai ka hmu zing leiin.

JOB LEKHABU (THE BOOK OF JOB) 13:13

To ṭawk unla, makhâtin mîn umtir ro, thu ka hril theina dingin, Ieng po khawm ka chungah tlung el raw se.

JOB LEKHABU (THE BOOK OF JOB) 16:6

“Thu ka hrila chu ka lungngaina chu suknêp a ni naw a, Ka tuor fan fana chu, ieng am ka sâwldam chuong a?

JOB LEKHABU (THE BOOK OF JOB) 21:25

Chun mi dang lungngaitakin a thi a, Thil ṭha hrim hrim ân tem ngai nawh.

JOB LEKHABU (THE BOOK OF JOB) 23:2

“Vawisûn ngei khawm hin ka chierna chu a kha a nih. Kân rûm zing khawmin a kut chu a rik hle a.

JOB LEKHABU (THE BOOK OF JOB) 36:21

Fîmkhur la, suolna chu ngaisak naw, Sukrimsia umna nêkin hi hi i thlang ta si a.

JOB LEKHABU (THE BOOK OF JOB) 6:26

Thu ringawt chu zil thei in inring am a nih? Mi beidawng thuhrilhai chu thli ang chau ni si chu.

JOB LEKHABU (THE BOOK OF JOB) 9:27

‘Ka sawisêlna theinghil ka ta, Ka hmêl lungngai hi sie hmang ka ta, Hlimtakin um ka tih,’ ti lang:

INPÂKNA HLABU 39:3

Ka sûnga hin ka lungril chu a sa vut vut a; Ka ngaituo ka ngaituo chun mei chu a chawk suok a; Chun, ka lei hin thu ka hril ta a.

INPÂKNA HLABU 40:9

Inkhâwmna ropuitaka chun felna chanchin ṭha ka khêkpui a, Aw Lalpa, ngai ta, Ka bau hi inro naw ning ti i hriet deh.

ISAI 38:15

Ieng am hril ka ti aw? ama chun a mi biek a, ama bawk chun a thaw ta a: Ka hringna ninginîp lei khan ka dam sûng kum po poa chun damtêtein fe dîm dîm tâng ka tih.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim ta a; Ka suolhai po po kha i hnungtienga chun i pei vawng si a.

LUKA 22:44

Chun, a lung ân rim bêk bêk leiin ṭhahnemngai nâwk zuolin a ṭawngṭai a, a thlan chu thi far lientak angin, hnuoiah a zuk far a.]

2 KORINTH 2:4

Mitthli tamtak tla pumin, lungril rinum le thlaphângtaka ka ziek a ni kha; chu chu suklungngaia in umna ding a ni naw a, in chunga hmangaina nasa nâwk zuol ka nei hi in hriet theina lem dingin a nih.

1 SAMUEL 1:10

Chun, Hanna chu a lungril a lunginzîng êm êm el a, Lalpa kuomah a ṭawngṭai a, lungsetakin a ṭap a.