JOB LEKHABU (THE BOOK OF JOB) 5:19 - Pathien Lekhabu Inthieng (BSI)

¹⁹ Buoina paruka inthawkin sansuok a ti che a, Anih, pasaria thil ṭha naw hrimin nang nâwk ta naw ni che.

JOB LEKHABU (THE BOOK OF JOB) 5:19 ပူးပေါင်းရင်းမြစ်များ

INPÂKNA HLABU 34:19

Mi fel rinumnahai chu a tam a, Nisienlakhawm, chuong po poa chun Lalpain a sansuok hlak.

INPÂKNA HLABU 34:20

A ru po po a vawng ṭha a, Pakhat khawm sukthliek a ni nawh.

INPÂKNA HLABU 66:12

Mihai tawlailîr chunga chuongin, kan lu chungah în fetir a, Mei le tui kan fe thleng a, Nisienlakhawm, hmun chênghnâwngtaka lût dingin i mi ṭhuoi suok a;

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

THUVARHAI 24:16

Mi fel chu vawi sari tlu sien khawm a tho nâwk hlak si a, Mi khawhlohai ruok chu lungzîngnaa pei thlûkin an um.

THUVARHAI 6:16

Thil paruk Lalpain a theidahai chu a um a, Anih, pasari, chuong chu ama ta dingin tirdakum an nih;

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

JEREMIA 39:17

Nisienlakhawm, nang chu, chu ni chun sansuok ka ti che a, mi iṭihai kuta chun pêk ni naw ti ni, Lalpa chun a tih.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:25

Ama chun a dawn a, “En ta u, mei laia khun mi pali sût sain inlawnin ka hmu a, na hrim an ti nawh; a palina hmêl putzie chu pathienhai naupa ang a nih,” a ta.

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

DANIEL 6:17

Chun, lung chu an hung lâk a, a pûk baua chun an indel tah a; chuongchun, lal chun ama hming namna le a rorêltuhai hming namna chu Daniel chungchâng thua chun thil sukdanglam hrim hrim um lo dingin a nam ta a.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

2 KORINTH 1:8

Unauhai, Asia rama kan chunga rinumna tlung thu kha in hriet naw kan nuom naw a, khânga nasataka tuor zo ruol lova, dam hrim khawm beisei lo khawp hiela deldea kan um kha.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;