JOB LEKHABU (THE BOOK OF JOB) 5:18 - Pathien Lekhabu Inthieng (BSI)

¹⁸ Pânna a siem a, a tuom a, A sukhliem a, a kuthai chun a sukdam si a.

JOB LEKHABU (THE BOOK OF JOB) 5:18 ပူးပေါင်းရင်းမြစ်များ

INPÂKNA HLABU 147:3

Lungriem ithlâkhai chu a sukdam a, An hliemnahai chu a tuom hlak a.

ISAI 19:22

Chun, Lalpa chun Aigupta mihai chu vuong a ta, sukdam bawk a tih: chuongchun, Lalpa kuomah kîr nâwk an ta, ama chu anni ngên thlûkin um a ta, anni chu sukdam a tih.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, Lalpa chun a ti si a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

LEVI DÂN 14:48

“Chun, thiempu chu a lût a, a hang en vêl a, in chu phâwk ṭhat a ni hnunga hri chu a lo indar lien naw chun, in chu ân thieng a nih ti thiempu chun a puong ding a nih, hri chu ân kieng ta leiin.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

1 SAMUEL 2:6

Lalpa chun a sukhlum hlak a, a sukhring bawk hlak, Thlânah ân fe thlâktir hlak a, a ṭhuoi suok bawk hlak.