JOB LEKHABU (THE BOOK OF JOB) 42:11 - Pathien Lekhabu Inthieng (BSI)

¹¹ Chun, a unauhai po po, a farnuhai po po leh, a hmaa a lo hmêlhriet tahai chu a kuomah an hung a, a ina chun ama leh bu an fâk tâwl a, a chunga Lalpain thil ṭha naw ân tlungtir po pohaia chun ama chu an thlasietpuiin an thlamuon a, mi tin chun sum tlâwmte seng le, rângkachak kutsebi an pêk seng a.

JOB LEKHABU (THE BOOK OF JOB) 42:11 ပူးပေါင်းရင်းမြစ်များ

INṬANNA 24:22

sanghâwngseihai chun an dâwn khawp phingleh, siehlaw chun rângkachak hnâra inbûk duli bûk le, a kuta dingin bânbun pahni rângkachak tangka sâwm bûk a phawr a;

INṬANNA 24:53

Chun, Abraham siehlaw chun tangkaruo incheinahai le, rângkachak incheinahai le silfênhai a lâk suok a, Rebeka kuoma chun a pêk a; a ṭapa le a nu kuoma khawm chun thil hlutak takhai a pêk bawk a.

INṬANNA 37:35

A naupasalhai po po le a naunuhmeihai po po chu ama thlamuon dingin an tho a; nisienlakhawm, ama chun thlamuon a nuom naw a, “Ni lo, lusûn pumin thlânah ka naupa kuomah ka fe ding a nih,” a ti a. Chuongchun, a pa chu ama ngaiin a ṭap hlak a.

JOB LEKHABU (THE BOOK OF JOB) 16:5

Amiruokchu, ka bauin sukhrât ka ti cheu a, Ka hmûrhaia hnêmna chun i lungngaina chu suknêp a tih.

JOB LEKHABU (THE BOOK OF JOB) 2:11

Chuongchun, Job ruol pathum hai chun ama chunga thil ṭha naw tlunghai po po chu an lo hriet chun, an hmun senga inthawk chun an rêngin an hung seng a; Eliphaz Teman mi le, Bildad Suhi mi le Zophar Naamath mi an nih; ama chu thlamuon ding le tuorpui dinga hung dingin hun rem an ruot tlâng a.

JOB LEKHABU (THE BOOK OF JOB) 4:4

I thuhai chun mi tlu ding khawm chu a lo chelngir a; Khûp zawihai khawm chu i lo sukdet hlak kha.

THUVARHAI 14:20

Mi pasie chu a tuolbâwmhai ngei khawma theida a ni hlak a, Mi hausa ruok chun ruolhai tamtak a nei.

THUVARHAI 16:7

Mi a um dânin Lalpa a suklawm chun, A hmêlmahai ngei khawm ama le inrem dingin a siem.

JOHAN 11:19

chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:15

Lâwmhai chu lâwmpui unla, ṭaphai chu ṭappui ro.

1 KORINTH 12:26

Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.

HEBRAIHAI 12:12

Chuongchun, kut kaithlahai chu dawm kâng unla, khûp zawihai chu sukhrât ro;

HEBRAIHAI 13:3

Intânghai chu anni le khuopa um ve angin hre zing unla; rinum tuorhai chu taksaa um ve bawk in ni leiin hre zing ro.

JOSUA 24:32

Chun, Israelhaiin Aigupta rama inthawka Josef ru an sawm pei kha Sekem khuoa chun Sekem pa, Hamor nauhaia inthawka Jakobin tangka zaa a în châwka khan an phûm a; chuongchun, chuong chu Josef thlahai puolah a hung um ta a.

1 SAMUEL 10:27

Amiruokchu, Belial nauhai tuhaiin amani ruok chun, “Hi mipa hin iengtin am mi sandam thei hlak a ta?” an ta. Chuongchun, ama chu an ngainêp a, thilpêk hrim hrim an pêk nuom naw a. Nisienlakhawm, ama chu a to zing a.